გერმანიის ბუნდესტაგის საგარეო პოლიტიკის ოფიცერი საქართველოში მიმდინარე პოლიტიკურ მოვლენებს ეხმაურება. რობინ ვაგენერი აცხადებს, რომ რუსული კანონის დამტკიცების შემთხვევაში, შესაძლოა, საქართველო-გერმანიისა და საქართველო-ევროკავშირის თანამშრომლობას გადაეხედოს.
“ქართველი ხალხი გამოდის საპროტესტო დემონსტრაციებზე, რათა უზრუნველყოს, რომ საქართველო დარჩება ევროკავშირის გზაზე. საქართველოს მთავრობამ თქვა, რომ კანდიდატის სტატუსი უნდოდა. ახლა საქართველო ევროკავშირის წევრობის კანდიდატია. ევროპული ღირებულებები ყოველი სახელმწიფოსგან მოითხოვს ვალდებულებას, გააძლიეროს აქტიური სამოქალაქო საზოგადოება და პლურალიზმი. ევროკავშირში ინტეგრაცია, აქტიური სამოქალაქო საზოგადოება და პლურალიზმი გააძლიერებს საქართველოს, როგორც სუვერენულ სახელმწიფოს. თუმცა, საქართველოს ხელისუფლების დღევანდელი კურსი სულ სხვა მიმართულებით მიდის.
აქციის მონაწილეების მიმართ ძალადობა მიუღებელია.
ევროინტეგრაცია არ მოხდება, თუ საქართველოს ხელისუფლება გააგრძელებს უცხო ქვეყნის აგენტების და ლგბტქ დისკრიმინაციული კანონის მიღებას. ამ კურსით არ მოხდება საქართველოს ევროკავშირში გაწევრება – არც 2030 წელს და არც შემდეგ. საქართველოს მთავრობამ და ქართველმა ხალხმა უნდა მიიღოს ეს გადაწყვეტილება საქართველოს მომავლის შესახებ”.
კომენტარები