ჟურნალისტი, ირაკლი ტაბლიაშვილი:
“ქართულმა ოცნებამ” და მისმა რუსმა ლიდერებმა, როგორც მოსალოდნელი იყო, ანტიდასავლური გზავნილები დაახვედრეს ალიანსის გადაწყვეტილებას იმის თაობაზე, რომ საქართველო არავინ მიიწვია ალიანსში და აგე, უკრაინასაც კი არ უთხრეს, როდის მიიღებენ NATO-ში!
ამ რუსული გზავნილით კიდევ ერთხელ გამოიჩინა თავი მამუკა მდინარაძემ, რომელიც, თითქოს გულდათუთქული იყოს, ისე და, რეალურად კი ნიშნისმოგებით საუბრობს ალიანსის გადაწყვეტილებაზე!..
მდინარაძეს, ხვალ-ზეგ უთუოდ მიჰყვებიან კობახიხე და სხვები… და თუ დრო მექნა, მათზეც ვიტყვი სამ-ოთხ მწარე სიტყვას.
ახლა კი, ამ პატივცემული დეპუტატის ბოდვა კი არ გავარჩიოთ, არამედ, ვუპასუხოთ მას და კიდევ ბევრს, ვისაც ხინჯი გაუჩნდა დასავლეთის მიმართ!!!
პირველი და უმთავრესი – დეპუტატი ვამხილოთ ტყუილში! არასწორ და, რაც მთავარია, შეგნებულად არასწორ შეფასებაში, რომ, თითქოს, ჩვენ არ დაგვიფასდა ალიანსის მისიებში დაღვრილი სისხლი და კიდევ ის, რომ 300-მდე ჩვენი ჯარისკაცი დაიჭრა და შშმ პირად იქცა!
ეს არის ტყუილი! ალიანსი მუდმივად უსვამს ხაზს ჩვენს წვლილს საერთაშორისო მისიებში! და ბევრი ჯარისკაცი მკურნალობდა და მკურნალობს ჩვენი დასავლელი პარტნიორების დახმარება/შემწეობით!
მაგრამ, ეს არაა მთავარი… მთავარი ისაა, რომ ბ-ნი მდინარაძე ვაჭრობს ამ ადამიანებით და თავად კი არ იღებს პასუხისმგებლობას იმაზე, რომ დაღვრილი სისხლის და დაჭრილი ჯარისკაცების არსებობის მიუხედავად დასავლეთისკენ… ალიანსისკენ ვერ წავიწიეთ, არამედ, ამ პასუხისმგებლობას ალიანსს აკისრებს!!!
არადა, დასავლეთში და კონკრეტულად ნატოში ინტეგრაციის ბილეთი არ ყოფილა და არც შეიძლება ყოფილიყო ჩვენი მისიებში მონაწილეობა! ეს იყო შესაძლებლობა, ჩვენი წვლილი შეგვეტანა გლობალურ უსაფრთხოებაში!.. და კიდევ – შედეგად გვყოლოდა უკეთესი ჯარი! და ის… მოდი, ვიტყვი ასე – გვყავს კიდეც!
ოღონდ… და აქ დავსვამ კითხვას, რომელზეც ამ ვაჭრუკანა ხელისუფლებამ უნდა გამცეს პასუხი!
საერთაშორისო მისიებში მონაწილე ჯარისკაცებიდან (15-16 ათასი ჯარისკაცი) რამდენი-ღაა დარჩენილი ჩვენს შეიარაღებულ, თავდაცვის ძალებში?..
და ბარემ მეორე კითხვასაც მივაყოლებ – 2008 წლის ომგამოვლილი რამდენი ჯარისკაცია წასული შეიარაღებული ძალებიდან?.. (ფორმულირებაა – რამდენი წავიდა და არა რამდენი დარჩა).
ახლა მეორე საკითხი – ჩვენს ჯარს და წვლილს რომ აფასებენ და ხედავენ, სწორედ ამის დამსახურებაა ამ სამიტის კომუნიკეში შენარჩუნებული წინადადება, რომ საქართველო გახდება ალიანსის წევრი! და სწორედ ესაა დაფასება… ოღონდ, ვიმეორებ, ჩვენი ჯარისა და წვლილისა და არა მამუკა მდინარაძისა და ირაკლი კობახიძის დასაფსობი თვალებისა!
დიახ, ალიანსი იმიტომ არ გვწირავს ჩვენ – გასაწირებს, რომ იცის ჩვენი ისტორიისა და თავდადების თაობაზე! აი, მარტო მდინარაძეთათვის და მათი პოლიტიკისათვის რომ შეეხედა, ეს… ამგვარი წინადადებაც არ იქნებოდა!
მესამე – ტყუილია, რომ უკრაინასაც არ უფასებენ თავგანწირვას!.. უკლებლივ ყველა ლიდერი აღნიშნავს, რომ უკრაინა არ უნდა დამარცხდეს! და ვინაიდან ის
დგას და იბრძვის! დასავლეთი ხვდება მისი ბრძოლის მნიშვნელობას!
მეტიც – აგე, MAP-ის გარეშე მიგიღებთო, ამის თქმაც დაფასებაა და უფრო მეტი კი არის განუსაზღვრელი და მუდმივი შეიარაღება! რაც დასტურია, რომ უკრაინას… მოდი, ვიტყვი ასე – გაამარჯვებინებენ!!!
და აქვე კითხვა – ბოლოს როდის განვაახლეთ შეიარაღება? ოღონდ, ბიუჯეტიდან იარაღის შესყიდვებს ვგულისხმობ და არა აშშ-დან წამოსულ დაფინანსებას და ტექ.დახმარებას.
მეორე კითხვაც – რა ხვედრითი პროცენტი უჭირავს თავდაცვის უწყების ბიუჯეტში შეიარაღებას? და წლიდან წლამდე რატომაა თავდაცვის ბიუჯეტი დინამიკით შემცირებული დოლარის პარამეტრებით (გარდა 2023 წლისა).
და ბოლოს – მეოთხე ტყუილი კი არა, სიმახინჯეა, რომ ბ-ნი მდინარაძე ალიანსის თუნდაც ფრთხილად საკრიტიკო გადაწყვეტილების მიზეზს კი არ ხსნის… დიპლომატიურ გზავნილს კი არ უგზავნის პარტნიორებს! საქართველოს მოქალაქეებს კი არ აიმედებს… არამედ, ალიანსის შესაძლოა მართლა საკამათო გადაწყვეტილებას იყენებს ანტი-ნატო… რიტორიკის გასაძლიერებლად! და მის პასაჟებში იკითხება წინადადება – უმადურია დასავლეთი! რომელმაც არც დაგვაფასა და ვერც ვერაფერი დაინახა!
ამ ირიბი გზავნილისათვის… კიდევ ერთხელ…
მამუკა მდინარაძე არის რუსი!!!”
კომენტარები