“ნეტგაზეთთან” კინორეჟისორი ნანა ჯორჯაძე კანონპროექტს, რომლის მიღებასაც ხელისუფლება გეგმავს და რომელიც საქართველოს მოქალაქეებს „უცხოური გავლენის აგენტებად“ გამოაცხადებს, ასე ეხმაურება:
“ამ კანონის მიღება ჩვენი ქვეყნის და ერის ღალატია. ეს არის რუსეთში მიღებული სამარცხვინო კანონის ანალოგი, რომელიც მიმართულია განვითარების წინააღმდეგ და მიზნად ისახავს სამოქალაქო თავისუფლების ჩახშობას. მას არავითარი კავშირი არ აქვს ფინანსურ გამჭვირვალობასთან, რაც ისედაც მრავალი კანონით კონტროლდება. ეს კანონი ჩვენ გვაშორებს მსოფლიო ცივილიზაციას და რუსეთის ჭაობში გვექაჩება.
რადგან ეს კანონი საქართველოს თითოეულ მოქალაქეს და ქვეყნის მომავალს ეხება, ახლა გაჩუმების დრო არ არის.
ყველამ უნდა გამოვხატოთ ჩვენი პროტესტი ამ დამღუპველი კანონის წინააღმდეგ“
კომენტარები