მესამე პრეზიდენტის ადვოკატი, შალვა ხაჭაპურიძე პენიტენციურის მიერ მიღებულ გადაწყვეტილებას ეხმაურება, რომლის მიხედვითაც, დეპუტატებს მიხეილ სააკაშვილთან შესვლა შეეზღუდათ. მისი თქმით, საქმე გვაქვს ომთან, რომლის მიზანიცაა მიხეილ სააკაშვილი მოკვდეს.
“ყველაფერს უნდა დაერქვას თავისი სახელი, ამ საქმეს, რასაც სააკაშვილის საქმე ჰქვია, არაფერი კავშირი არ აქვს სამართალთან, ეს არის ჩვეულებრივი ომი, რომელიც მიმდინარეობს და ამ დასჯის მიზანია, მოკვდეს სააკაშვილი. სხვას ვერაფერს ვერ დავარქმევთ. […] ამას ჰქვია რეპრესიები, ამას ჰქვია სამართლებრივი ნორმების ყოველგვარი დარღვევა, რა თქმა უნდა, ჩვენ მიერ ეს ყველაფერი ფიქსირდება და გაეგზავნება მთელ მსოფლიოს, ცივილიზებულ სამყაროს, რა მდგომარეობაში არის ეს ადამიანი”
შეგახსენებთ, მიხეილ სააკაშვილის პროცესი 9 იანვრამდე გადაიდო.
კომენტარები