“ამ ბრიყვებს კი ჰგონიათ, პროპაგანდის ძლიერ საშუალებას მიაგნეს” – გოცირიძე “აკაცუკებზე”

რა არის ეს აკაცუკი მეთქი, დავგუგლე და გამიკვირდა, რომ არ ვიცოდი, რადგან ხშირად მესმოდა ეს მულტფილმი სახლში. თვალი კი მომიკრავს, მაგრამ არ მინახავს, სიმართლე გითხრათ.

ნარუტოზე ჩემი შვილი გიჟდებოდა ასე 7-10 წლის ასაკში. იმდენად იყო გადავარდნილი ამ სამყაროში, რომ საკუთარი დამწერლობაც კი შექმნა, იაპონურ იეროგლიფებთან მიმსგავსებული. იაპონურის შესწავლაც კი მოინდომა, მასწავლებელთანაც კი დაგვყავდა, მაგრამ ეს ინტერესი რამდენიმე თვეში გაუქრა.

ამ ბრიყვებს კი ჰგონიათ, რომ მთელი საქართველოს ზრდასრულმა მოსახლეობამ იცის ამ აკაცუკების თუ ციკნების შესახებ და პროპაგანდის ძლიერ საშუალებას მიაგნეს. დღეს დილით კალაძემაც თქვე აკაცუკებოო, მიმართა ოპოზიციას. ეტყობა, ასე დაარიგეს პარტიაში. მაგარი რაღაც ჰგონიათ. როგორც ჩანს, სწორად ვერ დაიმახსოვრა ეს სიტყვა და სულ აკაცუკლებიო იძახა.

აკაცუკების რა მოგახსენოთ, მაგრამ ესენი რომ ნამდვილი ოოცუციკები არიან, ამაში ბევრი დამეთანხმება.