აზერბაიჯანის მთავრობის ადმინისტრაციის მიხედვით, რესპუბლიკის პრეზიდენტმა ილჰამ ალიევი საქართველოს პრემიერ-მინისტრ ირაკლი ღარიბაშვილს ევროპული ტექნოლოგიით აღჭურვილი ქარხანა დაათვალიერებინა.
საკონსერვო ქარხანა Gabala Food City 16 ჰექტარ ფართობზე მდებარეობს, აღჭურვილია ევროპული ტექნოლოგიებით. ქარხანა შედგება ხილის წვენის, ლიმონათის, გაზიანი და უგაზო სასმელების, ცივი ჩაის და კონცენტრატის წარმოების ზონებისგან. აქ 13 საწარმოო ხაზში 6 ტიპის შეფუთვაში 130 პროდუქტი იწარმოება. საწარმოს აქვს წელიწადში 360 000 ტონა მზა პროდუქციის საწარმოო სიმძლავრე.
10,000 ლიტრი საათში შევსების სისტემის მეშვეობით, ხილის სასმელების და ცივი ჩაის, წვენისა და ნექტრის წარმოების ხაზს პლასტმასის შეფუთვაში შეუძლია საათში 20,000 ლიტრი ხილის წვენი და კონცენტრატი გამოუშვას. მეორე ხაზზე საათში იწარმოება 35000 ლიტრი მზა ლიმონათი და სხვა გაზიანი გამაგრილებელი სასმელი, გაზიანი და უგაზო წყალი.
წარმოების მთელი პროცესი სრულად ავტომატიზირებულია. საკონსერვო ქარხანაში წარმოებული პროდუქცია ექსპორტზე გადის ბევრ უცხო ქვეყანაში.
კარტოფილის გადამამუშავებელ ქარხანაში ორი საწარმოო ხაზია. აქ იწარმოება ნახევრად მზა გაყინული კარტოფილი და კარტოფილის ჩიფსი. ნახევრად მზა გაყინული კარტოფილის წარმოების ხაზის მზა პროდუქტის გამომავალი სიმძლავრე შეადგენს 2 ტონას საათში. ჩიფსის წარმოების ხაზის სიმძლავრე არის ერთი ტონა მზა პროდუქტი საათში. ორივე საწარმოო ხაზი მუშაობს სრულად ავტომატიზირებულ სისტემაზე. კომპანიის საკუთრებაში არსებულ 200 ჰექტარ მიწაზე წელიწადში 10 000 ტონაზე მეტი კარტოფილი მოჰყავთ გაბალას რაიონში, რომელიც სრულად აკმაყოფილებს საწარმოო ობიექტის წლიურ ნედლეულ მოთხოვნილებას. მინდვრებიდან შეგროვებული კარტოფილი მოთავსებულია 6000 კვადრატულ მეტრ ფართობის პირველად გაცივებაში. საწარმოში ფუნქციონირებს ხარისხის კონტროლის ლაბორატორიებიც. წარმოებაში გაგზავნამდე მოწმდება პროდუქტის ფიზიკური და ქიმიური მაჩვენებლები, – წერს აზერბაიჯანის მთავრობის ადმინისტრაცია.
შეგახსენებთ, 2014 წელს, ბიძინა ივანიშვილმა, დაპირებულ 100 საწარმოზე საუბრისა, განაცხადა:
“თქვენ არ გაგიგიათ სწორად ჩემი დაპირებები და შემდეგ მიყენებთ პრეტენზიებს, რომ დაპირებები არ შევასრულე. 100 საწარმო კი არ უნდა გახსნილიყო, მინიმუმ, 100 ახალი საწარმო უნდა შექმნილიყო. ერთ წელიწადში მოხდა 100 საწარმოზე მეტის გახსნა. თქვენ თუ გაინტერესებთ, შეგიძლიათ გადარეკოთ სოფლის მეურნეობის სამინისტროში და თქვენ ნახავთ, რომ გაცილებით მეტი საწარმო დაფინანსდა, ვიდრე 100. ეს არის პასუხი ამაზე. მეტი გავაკეთეთ იმაზე, რაც დავპირდით და ის ვისაც ესმის, თქვენ, ჟურნალისტს უნდა გესმოდეთ, რომ საწარმო… მოვედით ჩვენ ერთ წელიწადში, კიდეც შევარჩიოთ ვინ დავაფინანსოთ, მოვიკვლიოთ, მოვიტანოთ, დავამონტაჟოთ და მან მოქმედება დაიწყოს, ეს არასწორია. ის, რაც იგულისხმებოდა, იმაზე მეტი გავაკეთეთ და ამას რაღაც დრო სჭირდება, ისევე როგორც ფეხმძიმობას. 1 თვე არ ეყოფა რაც არ უნდა იჩქარო. 9 ქალბატონიც რომ იყოს, 9 თვე უნდა იყოს ერთი ქალბატონი ფეხმძიმე, რომ ბავშვი გაჩნდეს. ასევეა ეს საწარმოც და ეს კარგად უნდა გააცნობიეროთ, რომ ასე არ არის, მოვიდა და დაფუძნდა საწარმოები”
კომენტარები