ალბომი გადაშალოს და ნახოს, კიტოვანთან ჩახუტებული ხალხი, შორს წასვლა არ მოუწევს – სანაია კობახიძეს პასუხობს

ჟურნალისტი ვახო სანაია ირაკლი კობახიძის პასუხად, რომელმაც დღეს მედია და ჟურნალისტები კიდევ ერთხელ დაადანაშაულა ქვეყნის საწინააღმდეგო ქმედებებში, ამბობს: 

“FSB-ს ინტერესებს ვინც ატარებს საქართველოში, როგორც ჩანს საინტერესო ფენომენთან გვაქვს საქმე, როდესაც მემკვიდრეობით გადადის თურმე, რუსეთის სამსახური საქართველოში და თუ კობახიძეს აინტერესებს FSB რას აკეთებდა საქართველოში, რას აკეთებს ახლა და თვითონ რა მემკვიდრეობის წარმომადგენელია FSB-სთან დაკავშირებით, თავის სიახლოვეს ფოტოალბომი ექნება, გადაშალოს და ნახოს, კიტოვანთან ჩახუტებული ხალხი, რას აკეთებდა თბილისში 90-იან წლებში და შემდეგ როგორ ინაწილებდა ძალაუფლებას გამსახურდიას დამხობის შემდეგ, შორს წასვლა არ მოუწევს მას.”