ალბი კორძაია, რომელსაც მოსამართლემ 12 დღიანი პატიმრობა მიუსაჯა, ზაჰესის იზოლატორთან თავად მივიდა.
ფაქტი არის ის, რომ ემპათია აქვთ ნული და ეს ჩვენ დღეს არ გაგვიგია და ჩემი მაგალითით არ გაგვიგია ეს ამბავი. დარბევებზე უკვე კარგად ვიცოდეთ ჩვენ, ვისთან გვქონდა საქმე და რას წარმოადგენენ ისინი. ჩემთვის ამით არაფერი ივცლება. მე კლინიკიდან გამოსული შევალ თუ ისე შევალ, ამას არ აქვს დიდი მნიშვნელობა. თუ გამძაფრდა მდგომარეობა, რა თქმა უნდა, მოვითხოვ კლინიკაში გადაყვანას თუ არადა, 2 დღე უკვე ვიჯექი, იმ 10 დღესაც მოვიხდი, როგორც წინაზე მოვიხადე. არანაირი პრობლემა არ არის, მაგის არანაირი არც შიში არ მაქვს. დისკომფორტია, რა თქმა უნდა, მაგრამ ავიტან. სამი წიგნი მაქვს წამოღებული, წამს წიგნს წავიკიტხავ ამ დროის განმავლობაში და ჩემს რეალობაში არაფერი იცვლება. არავის ეგონოს, რომ ამით რაიმე შეიცვალა ჩემს ცხოვრებაში – ან შემეშინდა, ან დავითრგუნე, ან აქციაზე აღარ გამოვალ, ან პროტესტში აღარ ვიქნები ისევ ისე ძლიერად, როგორც ვიყავი.
მე ერთი რამ მინდა, რომ გაიაზროს “ქართულმა ოცნებამ”, რომ ის, რასაც დღეს აკეთებენ, ეს კი არ გვაშინებს, უფრო მეტად გვაბრაზებს და უფრო მეტი ბრაზი გადამწყვეტ მომენტში მაგათ დიდ ზიანს მიაყენებს, – ამბობს ალბი კორძაია.
შეგახსენებთ, რომ ეს უკვე მესამე შემთხვევაა, როდესაც ალბი კორძაიას ადმინისტრაციულ პატიმრობას უსჯიან. მათ შორის, მეორე შემთხვევის დროსაც აქტივისტი საპატიმროსთან საკუტარი ფეხით მივიდა.
კომენტარები