“ალბათ, ივანიშვილს დაავალეს, რომ მერე მას ღარიბაშვილისთვის დაევალებია” – მამუკა მამულაშვილი

უკრაინის შეაირაღებულ ძალებში შემავალი „ქართული ლეგიონის“ მეთაური, მამუკა მამულაშვილს, “ტვ პირველთან” ამბობს:

არც პარტიული წევრი ვყოფილვარ არასდროს, არც მიდრეკილება მქონია არასდროს ვყოფილიყავი რომელიმე პარტიის წევრი და ქართული ლეგიონის შექმნის შემდეგ, არ იმართება არასოდეს არც ერთი პოლიტიკური პარტიისგან. ესაა სისულელე.

იყო რიგი მოვლენები, რამაც, როგორც ჩანს, განაპირობა გაღიზიანება – ეს არის ის, რომ ქართული ლეგიონი არის უკრაინის ჯარში შემავალი ყველაზე დიდი უცხოური შენაერთი, ქართული ლეგიონი წარმოადგენს უკრაინის დაზვერვის დეპარტამენტს, სტატისტიკის მიხედვით არის ყველაზე დიდი გამანადგურებელი მტრის. ეს არის ყველაზე დიდი ფაქტორი, რის გამოც გაღიზიანებულები არიან და ალბათ, რუსეთმა მოითხოვა, როგორმე შეეჩერებიათ რეკრუტირება. პირადი შემადგენლობა იზრდება ქართული ლეგიონის და შესაბამისად, ზიანსაც მეტს ვაყენებთ. ესაა ლოგიკა – რაც უფრო დიდია დანაყოფი, მეტი პროფესიონალი ჰყავს, აყენებს მეტ ზიანს. რუსეთმა ვერ შეძლო ერთი მონაკვეთის აღევა ბახმუტის მიმართულებაზე და გაღიზიანებულია. მგონია, ყველანაირ პრესინგს მიმართვს, რომ უკრაინა დატოვოს დახმარების გარეშე. შტატი იზრდება – დიდი დანაყოფია და უნდათ ამის შეჩერება. ალბათ ივანიშვილს დაავალეს, რომ მერე მას ღარიბაშვილისთვის დაევალებია. ეს მგონია მთავარი ფაქტორი.

მეორე ფაქტორი, რასაც შეიძლება განეპირობებია ეს მოვლენები, ალბათ, არის რამოდენიმე გამოსვლა, არ ვიცი, რატომ შეეხო საუბარი ბოლო გამოსვლას ევროპარლამენტში. საუბარი იყო ბიძინა ივანიშვილზე და მე ვთქვი, რომ ბიძინა ივანიშვილს ჰყავს ტყვედ აყვანილი ქართველი ერი და მანიპულირებს ქართველი ერით. დიდი ალბათობით ეს იყო მიზეზები.

მე მგონია, ყველა ქართველს უნდა ეამაყებოდეს, რომ უკრაინელების შემდეგ, დღეს ბოროტებას ებრძვიან სწორედ ქართველები და ყველაზე დიდი შენაერთი არის ქართული ლეგიონი და ლეგიონს, სადაც შედიან სხვა, 33 ქვეყნის ადამიანები, ქვია ქართული ლეგიონი. ეს უნდა ეამაყებოდეთ, თუ პატრიოტები არიან და იმ განცხადებებსაც არ უნდა აკეთებდნენ.

“როდესაც ადამიანი აწერს ხელს კონტრაქტს, რა თქმა უნდა, აქვს ხელფასი, როგორც ნებისმიერ სხვა სამსახურში”– მამუკა მამულაშვილი