ჟურნალისტი, ირაკლი ტაბლიაშვილი:
“ხვალ… უკაცრავად, უკეთ რომ გაიგონ ქოცებმა… Завтра, день Независимости Украины! .. ანუ, გეყურებათ? უკრაინის დამოუკიდებლობის დღეა!
ახლა იმის ახსნას არ დავიწყებ, რამდენად მნიშვნელოვანი ქვეყნის დამოუკიდებლობის დღეა!.. ვერ გაიგებთ!
არც იმის გამო გაგაკრიტიკებთ, რომ კიევში არ ჩადიხართ! დამღლელი გზაა და თან არც არავინ გელით.
ახლა ზინას გაგახსენებთ! დიახ, ზინას!
ზინა ფასანაურის ფოსტაში მუშაობდა გასული საუკუნის 80-90-იანებში!
დეპეშებსა და წერილებს იღებდა! დეპეშებსა და წერილებს აგზავნიდა!
აღარაა ცოცხალი… საწყალი.
მისი შვილებიც ასაკში არიან..
ხოლო შვილიშვილები – ჯერაც ახალგაზრდები – თბილისში ცხოვრობენ, ნაღდად!
მოკლედ, ზინა, როგორც გითხარით, დეპეშებს აგზავნიდა… ელვა-დეპეშებს და ჩვეულებრივებს!.. არასწრაფებს!
დღეს დეპეშების დრო წასულია – ელ.წერილის დრო – მოსული!
კიდევ ტვიტისა… ანუ – ჟღურტულისა!
ჰოდა, მთავრობის ძვირფასო წევრებო, დეიდა ზინას შვილიშვილი უმცროსი ზინა რომ გავიცანი ამასწინ, ამის თქმა დამავიწყდა!
თბილისში ფირმა აქვს გახსნილი! “კონსალტინგ” აწერია მსხვილად!
უმცროს ზინას, უკრაინულიც აქვს შესწავლილი… თურმე!
კიდევ რაღაც სერვისები აქვს… ზუსტად არ ვიცი!
ვიცი მხოლოდ ის, რომ წერილების შედგენაში ეხმარება გაჭირვებულებს! მეძვირეც არაა!
ამბობს – ბაბოს კვალს მივყვებიო!
მოკლედ, დამიკავშირდით და მოგცემთ უმცროსი ზინას ტელეფონის ნომერს!
თქვენს მაგივრად ტექსტსაც შეადგენს თუ საჭიროა! თარგმნის კიდეც და ჯიმეილზე ელ.ფოსტასაც გაგიხსნით… ხოლო თქვენს “რამბლერ” თუ “მეილ” რუს.. (+ ზარქუას ლავ.მეილ რუს) გააუქმებს! და თან იაფად (მე გადავიხდი).
ერთი თანამედროვე დეპეშა, ანუ მეილი აფრინეთ კიევში…
წერილში უნდა იყოს სიტყვა ნეზალეჟნოსტი… დანარჩენი მეორეხარისხოვანია!”
კომენტარები