NATO-ს გენერალურმა მდივანმა, იენს სტოლტენბერგმა ევროპარლამენტში სიტყვით გამოსვლისას უკრაინის ჯარის მიერ კონტრშეტევაში მიღწეულ პროგრესზე ისაუბრა და აღნიშნა, რომ მათ რუსული თავდაცვის გარღვევა შეძლეს.
უკრაინაში შეჭრის დროს რუსეთის ჯარი სიძლიერით მსოფლიოში მეორედ ითვლებოდა, ახლა კი “რუსეთის ჯარი სიძლიერით მეორეა უკრაინაში”, – თქვა მან.
“უკრაინელები თანდათან ძლიერდებიან და ეს ადასტურებს ჩვენი მხარდაჭერის მნიშვნელობას და ჩვენს შესაძლებლობებს და სურვილს, გავაგრძელოთ ეს მხარდაჭერა. მძიმე ბრძოლებია, მაგრამ უკრაინულმა ძალებმა შეძლეს რუსეთის თავდაცვის ხაზების გარღვევა და წინ მიიწევენ. […] იქნება როგორც ცუდი, ისე კარგი დღეები. ჩვენ უნდა ვიყოთ უკრაინის გვერდით არა მხოლოდ კარგ დროს, არამედ ცუდ დროსაც”, – განუცხადა სტოლტენბერგმა ევროპარლამენტარებს.
კომენტარები