,,ახალის” წევრი, თენგო თევზაძე:
,,ვერ ვიტყვი გამიკვირდაო, რაც „ენმ“-ს იდეოლოგებისგან მოვისმინე. მათი მცდელობა ნამდვილად არის ის, რომ საზოგადოება დაარწმუნონ, თითქოს „ახალი“ და „ენმ“ (4 და 5, როგორც განზრახ ამბობენ) არის ერთი. ეს უკვე ჩავლილი ამბავია და ამჯერადაც ძალიან ცდებიან. „ახალი“ არ და ვერ იქნება „ენმ“. ახალის “დნმ” არის სხვა და „ახალი“ მხოლოდ „ენმ“-სგან წამოსული ადამიანებისგან არ შედგება (სხვებს პოლიტიკოსებად არც ვთვლითო).
„ახალი“ შედგება იმ ხალხისგან, რომლებიც გამოვიდნენ უნივერსიტეტებიდან (პროფესორები), აქტივისტებისგან, ბიზნესის წარმომადგენლებისგან, პროტესტში მყოფი ხალხისგან, მათ შორის, „ქართული ოცნების“ ყოფილი წევრებისგან. მოკლედ რომ ვთქვა, გამოცდილი და რეალიზებული ადამიანებისგან. ამ მრავალფეროვან პარტიაში, არიან გამოცდილი პოლიტიკოსები „ერთიანი ნაციონალური მოძრაობიდან“, რომელთა სიმტკიცეც და პრინციპული პოზიციაც რეჟიმთან და კულუარული პოლიტიკის წინააღმდეგ ბრძოლაში მნიშვნელოვანი აღმოჩნდა და მომავალშიც აღმოჩნდება.
“ახალმა”, ახალმა და გამოცდილმა ენერგიამ ერთად, სიახლემ და მრავალფეროვანმა ძალამ მოიტანა ის შედეგი, რაც მოიტანა. აქვე, ობიექტურობისთვის დავაზუსტებ, რომ ჩვენ „ევროპული საქართველოს“ მსგავსად 11% არ მიგვიღია, ჩვენ გაყალბებული შედეგებითაც კი მეორე ადგილზე გავედით და სადაც ბიძინას გაყალბება ვერ მისწვდა იქ საერთოდ 32% ავიღეთ (საზღვარგარეთ). ჩავატარეთ, ყველაზე წარმატებული კამპანია რაც კი პოლიტიკურ პარტიას ოდესმე საქართველოში ჩაუტარებია (რუსთავის, ქუთაისის და ზუგდიდის შეხვედრები). რეგიონებში გავშალეთ კამპანია, რა დროც გვქონდა იმ დროში ყველა კარზე მივაკაკუნეთ. აუცილებელია კოალიციაში შემავალი პარტიების (დროა და გირჩი – მეტი თავისუფლება) აღნიშვნა და მათი გაწეული შრომა. ამ სტატუსში არ “გავშლი” თბილისის და სხვა დიდი ქალაქების შედეგებს.
„ახალი“ ვერ გახდება 5-იანი, „ახალის“ დნმ არის გამოცდილება, მრავალფეროვნება და სიახლე. გამოცდილებთან ერთად ახალი ხალხი პოლიტიკაში, რასაც ორივე ნიკამ ძალიან შეუწყო ხელი.
„ენმ“-ს შიდა დინებები დიდად არ დამაინტერესებდა, ამ ყველაფერში პერიოდულად რომ არ რევდნენ პარტია „ახალს“ იმ სურვილით, რომ 2028-ში 2% აიღოს. ზოგიერთს, მგონი, გადაწყვეტილი აქვს სულ იყოს და თუნდაც სულ მეორე იყოს. მეგობრებო ჩვენ რეჟიმზე გამარჯვებისთვის ვიბრძვით.
ისე, „40 მილიონი, 40 მილიონიო“ რომ გაიძახით, როგორ შევძელით 3 თვეში იმ შედეგის დადება რაც დადგა, ამაზე ვიმსჯელოთ და გამოცდილება გავუზიაროთ ერთმანეთს, ჩემი აზრით, უფრო საინტერესო იქნება ხალხისთვის.“
კომენტარები