“ახალი პროპაგანდა – ადამიანის სისუსტეებზე მორგებულ ღმერთს აღიარებს. რაღაც ახალი რელიგიაა” – ალექსანდრე პაიკაძე

მწერალი ალექსანდრე პაიკაძე სოციალურ ქსელში წერს:

“70 წელი მიდიოდა იმის პროპაგანდა, რომ ღმერთი არ არსებობს.
ვინც საწინააღმდეგოს ამტკიცებდა, უმკაცრესად უსწორდებოდნენ.
ბოლოს აღმოჩნდა, რომ ხალხი ღმერთის არარსებობაში ვერ დაარწმუნეს. ვერც დაყვავებით და ვერც მუქარით.
ახლა უფრო საინტერესო პროცესია.
ღმერთი არსებობსო, ოღონდ ის ისეთი არაა როგორიც ადრე იყოო, ახლებურიაო.
ახალი პროპაგანდა – ადამიანის სისუსტეებზე მორგებულ ღმერთს აღიარებს.
რაღაც ახალი რელიგიაა.
ღმერთი კი, შესაბამისად რწმენა ან რელიგია, ისევ ისეთია, როგორიც დასაბამიდან იყო – უცვლელია.
ღმერთი არ შეიძლება იყოს მოდერნისტული.
ახალი რელიგია შეიძლება იყოს მოდერნისტული, რომელსაც საერთო არაფერი აქვს რწმენასთან.
იქ საწამებელიც არაფერია – გწამს ის რაც იმ წამს განიჭებს სიამოვნებას.
ამრიგად -წამოვედით ღმერთის არარსებობის თეორიიდან,მივედით ახალ ღმერთამდე და როგორც სავარაუდო შედეგი, ბოლოს მივიღებთ ადამიანის მიერ საკუთარი თავის ღმერთად გამოცხადების აქტს.
ვინაიდან – ახალი ღმერთის რელიგია დააჯერებს ადამიანს, რომ ის შეუცდომელია, ხოლო შეუცდომელი მხოლოდ ღმერთი შეიძლება იყოს.”