ნიუ – იორკის ჯანმრთელობის განყოფილების ცნობით, ბავშვებში იშვიათი ლეტალური ანთებითი სინდრომის 15 შემთხვევა გამოვლინდა, რომელიც, შესაძლოა, კორონავირუსს უკავშირდებოდეს.
ამის შესახებ ინფორმაციას The Guardian- ი ავრცელებს.
იშვიათი დაავადების 100 შემთხვევა უკვე გამოვლინდა შემდეგ ქვეყნებში – ბრიტანეთი, აშშ, საფრანგეთი, იტალია, ესპანეთი და შვეიცარია.
ნიუ-იორკის ჯანდაცვის განყოფილების ინფორმაციით, 29 აპრილისა და 3 მაისის შუალედში 2-15 წლამდე 15 პაციენტს იშვიათი სინდრომი აღენიშნებოდა:
„ყველა პაციენტს აღენიშნებოდა სიცხე. ნახევარზე მეტს კი გამონაყარი, მუცლის ტკივილი, ღებინება ან დიარეა”.
ჯერჯერობით გარდაცვალება არ დაფიქსირებულა.
ოფიციალური პირების ცნობით, სინდრომი ძალიან ჰგავს კავასაკის დაავადებას.
კავასაკის სინდრომი მწვავე დაავადებაა, რომელიც სისხლძარღვებს აზიანებს.
ის ბავშვებში მაღალ სიცხეს, გამონაყარს, გულმკერდისა და მუცლის ტკივილს, ჩასისხლიანებულ თვალებს, ლიმფური კვანძების გადიდებას, ტუჩებისა და პირი შეშუპებას იწვევს.
კავასაკის დაავადება ძალიან იშვიათია – წელიწადში 3 000 ბავშვს უსვამენ მსგავს დიაგნოზს.
რა იწვევს კავასაკს, ცნობილი არაა. მკვლევარები მას ვირუსულ ინფექციას უკავშირებენ. დაავადება პირველად 1960-იან წლებში იაპონიაში დაფიქსირდა.
American Heart Association-ის ცნობით, კავასაკი არ არის გადამდები და არც მემკვიდრეობით გადაეცემა.
ჯერჯერობით გაურკვეველია რა კავშირი შეიძლება ჰქონდეს კავასაკს ახალ კორონავირუსთან.
ნიუ-იორკში დაფიქსირებული 15 შემთხვევიდან, რომლებსაც იშვიათი დაავადება აღენიშნებოდათ, 10 მათგანის პასუხი კორონავირუსზე უარყოფითი იყო.
ბრიტანეთის პედიატრიული ინტენსიური თერაპიის საზოგადოების თქმით, კორონავირუსთან დაკავშირებული იშვიათიი დაავადება ბავშვებში ხშირად არ ვლინდება.
თუმცა, პანდემიის დაწყების შემდეგ, ადამიანებს, რომლებიც საავადმყოფოს კავასაკის სიმპტომებით აკითხავდნენ, კორონავირუსი დაუდასტურდათ.
ერთ-ერთი მათგანი 6 თვის ბავშვი იყო (კალიფორნია).
ამ თემაზე „პრაიმტაიმი”თბილისის ინფექციური საავადმყოფოს გენერალურ დირექტორს, თენგიზ ცერცვაძესაც ესაუბრა.
„არ არის გამორიცხული, ბავშვებში ეს სინდრომი კოვიდს გამოეწვია”,- აღნიშნა თენგიზ ცერცვაძემ.
“პრაიმტაიმი“
კომენტარები