“აკაკუნებენ და კითხულობენ “კაწიას” ან “ტატუიშნიკ გიორგის” – სავარაუდოდ ეძებენ ცარიელ ბინას, ან მოხუცს რომელიც კარს გაუღებს ან ბავშვს – რა ხდება დიდ დიღომში?

ფეისბუქ ჯგუფში ქალაქის პრობლემები – მოქალაქე დიდ დიღომში, ერთ-ერთ საცხოვრებელ კორპუსში გადაღებულ, ვიდეოსათვალთვალო კამერების ჩანაწერს აქვეყნებს და წერს, რომ გახშირდა ფაქტები, როდესაც უცნობი პირები კარდაკარ დადიან, კითხულობენ სხვადასხვა სახელებს და სავარაუდოდ ეძებენ ცარიელ ბინებს:

“ვდებ 2 ვიდეოს, ერთი გუშინდელია, მეორე დღევანდელი.. გახშირდა ფაქტები როცა დადიან კარდაკარ და აკაკუნებენ, კითხულობენ ვინმე “კაწიას” ან “ტატუიშნიკ გიორგის”
პირველ ვიდეოში საღამოს 21:12 წუთზე, გოგომ დააკაკუნა და დედაჩემმა ინსტიქტურად გაუღო კარები, რომელიც ტატუიშნიკ გიორგის ეძებდა  რომ უთხრა სხვაგან მოხვდითო ტელეფონი თხოვა რომ დავრეკოვო, რაზეც უარი მიიღო
მეორე ვიდეოში დილის 11:43 წუთზე ვიღაც ახალგაზრდა რომელიც ჩანს რომ აშკარად არ არის ფხიზელი აკაკუნებს სამივე კარებზე, ამ შემთხვევაში დედაჩემმა კარები არ გაუღო, კითხულობდა “კაწიას” რომელიც თურმე გუშინ დაუტობენია ვიღაც გიორგისთან ამ ბინაში და ამ სართულზე
ფრთხილად იყავით და კარები არავის გაუღოთ, სავარაუდოდ ეძებენ ან ცარიელ ბინას, ან მოხუცს რომელიც კარს გაუღებს ან ბავშვს
კარები რომ არავინ გაუღო, გაბრაზდა და გინებ–გინებით წავიდა
უბანი დიდი დიღომი”