ჟურნალისტი, საზოგადოებრივი მაუწყებლის ბორდის წევრი, ბონდო მძინარაშვილი, სოციალურ ქსელში, წერს:
“ადმინისტრაციულ შენობაში შეჭრა რომ არ შეიძლება და შეჭრის მცდელობა რომ აღიკვეთება, ეს ვინმესთვის სიახლეა?!
კანონში ჩაიხედეთ!
პოლიცია აბსოლუტურად სწორად მოიქცა, რომ პირველივე მცდელობა აღკვეთა. პირდაპირ ეთერში კარგად ჩანდა, როგორ ცდილობდნენ ცესკოს ღობის მორღვევას.
რაც შენობასთან მიახლოებას და, მით უმეტეს, შეჭრას მოჰყვებოდა, ის იქნებოდა კატასტროფა!
სწორედ ეს კატასტროფა აიცილა პოლიციამ!
სახელმწიფო ვერ და არ დაუშვებს ადმინისტრაციული შენობების დაკავებას!
ხოლო ვინც კოვიდის პირობებში წყლის მისხმაზე წუწუნებს, მარტივ შეკითხვებს უპასუხოს:
რუსთაველის გამზირზე ყველა რეგულაციის დარღვევით შეკრებამდე არ იცოდნენ, რომ ნოემბრის ცივი დღეა და კოვიდ-პანდემიაა?
ცესკოს შენობასთან მისვლამდე არ იცოდნენ, რომ კოვიდ-პანდემიაა?
ცესკოს ღობის მორღვევის და შენობაში შეჭრის მცდელობამდე არ იცოდნენ, რომ კოვიდ-პანდემიაა?
ან, იქნებ, ფიქრობთ, რომ კოვიდ-პანდემიის პირობებში ვინმე ადმინისტრაციული შენობების დაკავების უფლებას მოგცემთ, არიქა, წყალი რომ მივასხათ, გაცივდებიანო?!
სულ ახლახან მიასხეს წყალი, თქვენ იქ არ ყოფილხართ და თქვენც გაჟრიალებთ?!
სახალხო დამცველი გამოდის ახლა და ცივ კლიმატურ პირობებში წყლის ჭავლის გამოყენების მიუღებლობაზე ლაპარაკობს.
შარშან, ზაფხულშიც ასე ლაპარაკობდა, ოღონდ თბილი კლიმატური პირობები არ უხსენებია მაშინ.
მაშინაც ადმინისტრაციული შენობის დაკავებას – პარლამენტში შეჭრას ცდილობდნენ!
ჰო, გაფრთხილება უკვე ისმის – ქართულად და ინგლისურადაც, მათთვის, ვისაც ქართული არ ესმის!
დაიმახსოვრეთ:
ვერ არევთ ამ ქვეყანას!
ვერ დაბრუნდება თქვენი ბელადი და კვლავინდებურად ვერ გალეწავს სისხლიან კალოს!
P. S. წაიღეთ ახლა ეს სტატუსი და აფრიალეთ!
მანამდე კი კიდევ ერთხელ მოგიწოდებთ: კანონში ჩაიხედეთ, კოვიდის ბიძაშვილებო!”
კომენტარები