“აი, ამ ჯგუფის ბიძინას ძალიან ეშინია” – მაგდა მამუკაშვილი

სამოქალაქო აქტივისტი, მაგდა მამუკაშვილი:

მოკლედ, ეს პოლიტიკოსები ხო გასაგებია, პირდაპირ ადეკლარირებს ეგ ხალხი, ხელისუფლებაში მოსვლა გვინდაო, ეს ენჯეობიც გასაგებია, ადამიანის უფლებებზე უნდა ვიზრუნოთო, მაგრამ აი ეს ვიღაც ინდივიდები, ზოგი აქტივისტს რომ ეძახის, ზოგი დემონსტრანტს, ზოგი უბრალოდ სწორ მოქალაქეს, რეჟიმისთვის გაუგებარი ჯგუფია. ბევრი რამ არის გაუგებარი რეჟიმისთვის, რატომ არიან ამდენი ხანი პროტესტში, რანაირად საზრდოობენ, როგორ ძლებენ ანგარიშზე 10 ლარით რამოდენიმე დღე, როგორ არ მობეზრდათ, რატომ არ დაიღალნენ, რა უნდათ, რა ინტერესები აქვთ, თუ პოლიტიკური ამბიციები არ აქვთ, აბა ცხოვრება რაღას გადადეს გვერდით. მოკლედ, რეჟიმმა რაიმე კანონი ვერ მოუძებნა რომ ეს არაერთგვაროვანი ჯგუფი ალაგმოს და უწევს ისეთი ნორმების მიღება, რომ ყველა მოქალაქეს შეახოს.

და აი ამ ჯგუფის ბიძინას ძალიან ეშინია, რადგან არის პერსპექტივა, მათ პოლიტიკური ამბიციები გაუჩნდეთ, საუბარში იკვეთება ხოლმე სამაგისო კონტურები. ხოდა რაში აწყობს, აქამდე ნაკლებად ცნობადი და ახლა გააქტიურებული ხალხის გაძლიერება? ემანდ, ნამდვილი/სუფთა/იდეალისტებისგან შემდგარი მესამე ძალის ფორმირების პერსპექტივა არ გაჩნდეს. არადა, წესიერი და ნორმალური ოპოზიცია სჭირდება ყველას, რუსული რეჟიმის გარდა, სჭირდება იმიტომ, რომ მერე რუსულ რეჟიმს არ გადააბარო ქვეყანა.