“აღმოაჩინეს “ანტისხეულის ხელმოწერა” – ზაზა წერეთელი ახალ კვლევაზე

ნორვეგიის სამეფოს ჯანდაცვის სამინისტროს უფროსი მრჩეველი ზაზა წერეთელი:

“ხანგრძლივი კოვიდი. შვეიცარიელი მკვლევარები ვარაუდობენ რომ მათ აღმოაჩინეს “ანტისხეულის ხელმოწერა”, რომელსაც შეუძლია დაეხმაროს ექიმებს იმ პაციენტების იდენტიფიცირებაში, რომლებსაც აქვთ ხანგრძლივი Covid-ის განვითარების რისკი (მდგომარეობა, როდესაც დაავადების სიმპტომები შეიძლება გაგრძელდეს მრავალი თვის განმავლობაში).

ციურიხის საუნივერსიტეტო საავადმყოფოს მკვლევარებმა გააანალიზეს კოვიდ პაციენტების სისხლი და დაადგინეს, რომ გარკვეული ანტისხეულების დაბალი დონე უფრო ხშირია მათში, ვისაც ხანგრძლივი Covid განუვითარდა, ვიდრე პაციენტებში, რომლებიც სწრაფად გამოჯანმრთელდნენ.

ჯგუფმა შეისწავლა 175 ადამიანი, რომლებმაც დადებითი პასუხი მიიღეს PCR ტესტირების შედეგად და 40 ჯანმრთელი მოხალისე, რომლებიც მოქმედებდნენ როგორც საკონტროლო ჯგუფი. იმის დასანახად, თუ როგორ იცვლებოდა მათი სიმპტომები დროთა განმავლობაში, ექიმები აკვირდებოდნენ 134 პაციენტს კოვიდიდან ერთი წლის განმავლობაში მათი საწყისი ინფექციის შემდეგ.

მონაწილეებზე სისხლის ტესტებმა აჩვენა, რომ მათ, ვისაც განუვითარდა ხანგრძლივი Covid – ასევე ცნობილი როგორც პოსტ-მწვავე Covid-19 სინდრომი (post-acute coronavirus disease 2019 (COVID-19) syndrome -Pacs) – ჰქონდათ ანტისხეულების IgM და IgG3 დაბალი დონე. როდესაც კოვიდი იწყება, IgM სწრაფად მატულობს, ხოლო IgG ანტისხეულები მოგვიანებით იზრდება და უზრუნველყოფს გრძელვადიან დაცვას.

მეცნიერებმა ანტისხეულების ეს მაჩვენებლები გაანალიზეს პაციენტის ასაკთან, ასთმური დაავადების ქონასა და სხვა სიმპტომებთან ერთად რათა დაედგინა ხანგრძლივი კოვიდის რისკის ალბათობის შკალა. იმის დასადასტურებლად, რომ ეს შკალა სასარგებლო იყო, მათ ჩაატარეს ტესტი 395 კოვიდ პაციენტისგან შემდგარ ცალკეულ ჯგუფზე, რომლებსაც ექვსი თვის განმავლობაში აკვირდებოდნენ.

ცხადია ტესტს არ შეუძლია წინასწარ განსაზღვროს როგორი რისკი აქვს ადამიანს განუვითარდეს ხანგრძლივი კოვიდი, სანამ ის არ დაინფიცირდება მაგრამ როგრც კვლევაში მონაწილე ერთ-ერთმა ექიმიმა კარლო სერვიამ განაცხადა, თუკი პაციენტს აქვს ასთმის ისტორია და დაბალი IgM და IgG3 მაჩვენებელები წინასწარ შეიძლებ ითქვას რომ ასეთ ადამიანებს აქსვ ხანგრძლივი კოვიდის გაზრდილი რისკი.

კვლევა გამოქვეყნებულია Nature Communications-ში.