თბილისში, აღმაშენებლის 36-ში მდებარე კულტურული მემკვიდრეობის ძეგლს, რომლის ჩასასვლელიც ჯერჯერობით დაუდგენელმა პირებმა ჩააბეტონეს, პირვანდელი სახე დაუბრუნდა.
ადგილზე მერიის სამსახური იმყოფებოდა. თუმცა, დაეკისრა თუ არა ვინმეს ჯარიმა, უცნობია.
შეგახსენებთ, რომ კულტურული მემკვიდრეობის ძეგლის იერსახის შეცვლის შესახებ ინფორმაცია და ფოტომასალა გუშინ, სოციალურ ქსელში გავრცელდა. საუბარია შენობაზე, რომელიც 1903 წელს აშენდა და იქ გიორგი პლეხანოვი ცხოვრობდა.
არაოფიციალური ინფორმაციით, ეს ტერიტორია უცხო ქვეყნის მოქალაქეებმა (სავარაუდოდ, რუსეთის) იქირავეს და შესასვლელი მათ ჩააბეტონეს.
ამჟამად ადგილზე სარემონტო სამუშაოები მიმდინარეობს და ფართი დაკეტილია.
კომენტარები