ყოფილი მაღალჩინოსანი, გივი თარგამაძე:
რა გავიგეთ მარკო რუბიოს განცხადებიდან?
ის, რომ ქოცების პროირანულობა, მათი დახმარება ისლამური რევოლუციის გუშაგთა კორპუსის სასარგებლოდ სანქციების გვერდის ავლაში ამერიკის ადმინისტრაციას აწუხებს. სხვა საკითხებთან ერთად ეს პრობლემაა, რომლის არ აღმოფხვრის შემთხვევაში ურთიერთობა ჩვენს ქვეყნებს შორის ვერ ნორმალიზდება. რა გვესმოდა მუდმივად ქოცებისგან? ეს მოღალატეთა მოგონილი ამბავია და ფაქტები არ არსებობს. თურმე,
არსებობს? რა თქმა უნდა.
ფაქტები სრულიად კონკრეტულია. 2020 წლის შემდეგ ამერიკის მიერ #13244 აღმასრულებელი ბრძანებით ტერორისტებთან კავშირის, ირანის უშიშროების მიერ უცხოელი სტუდენტების ინდოქტრინაციასა და რეკრუტირებაში გამოყენებისთვის სანქცირებული, პირდაპირ ირანის უშიშროების საფარად მიჩნეული ვითომ უნივერსიტეტი გუგუნებს საქართველოს ტერიტორიაზე სამი ფილიალით – გარდაბანში, მარნეულსა და ფონიჭალაში. არავითარი მნიშვნელობა არ აქვს აკრედიტაციის უქონლობას, ეს ხელს არაფერში უშლის, რაზეც ფაქტები მოწმობს.
ამ უნივერსიტეტის „აკადემიური“ თანამდებობის პირმა, მოშენ რაბანიმ (ქვემოთ სურათზე პირველი) ააფეთქა ებრაული სათემო ცენტრი არგენტინაში და 88 კაცი მოკლა, რის გამოც ის ინტერპოლის წითელ ცირკულარზეა. მეორე – სეიდ მოჯთაბა ჰოსეინი ნეჯადი (ქვემოთ სურათზე მეორე), მექსიკაში ისრაელის ელჩის მკვლელობას აორგანიზებდა და ასევე ძებნაშია. საქართველოში ამ უნივერსიტეტის
სამი ფილიალიდან საქართველოს მოქალაქე სტუდენტები ირანში რეგულარულად დადიან. თუნდაც ამ ტერორისტებთან მათი ურთიერთობის ალბათობა დიდია. აზერბაიჯანული წარმოშობის უკვე 4 მოქალაქეა ბრალდებული – 2 ნატოს ბაზაზე დაკვირვების გზით ირანის სასარგებლოდ ჯაშუშობისთვის, ერთი აშშ-ში ირანელი ჟურნალისტის, ერთი აზერბაიჯანის მთავარი რაბინის მკვლელობის მცდელობის ორგანიზებისთვის. თუ ინდოქტრინაციას და ვერბოვკას ეწევა ეს უნივერსიტეტი ირანის ყუდსის ძალებისთვის ყველგან – ხომ უდიდესია ალბათობა, რომ ეს ადამიანებიც ამ გზით დაავერბოვკეს?რა თქმა უნდა. ყოველივე ზემოთმოყვანილი ფაქტებია. კონკრეტული ფაქტები და სწორად ფაქტებზე წუხს ამერიკის ადმინისტრაცია, სავალალო, მუდმივი საფრთხის შემცველ ვითარებაზე. ასეთი რეალობა ძნელად დასაჯერებელი იყო – მაგრამ, აგერ, თბილისთან ახლოს ვითარდება ეს დაუჯერებელი. ვითარდება და ძალას იკრებს. ჟელე უშნოდ, გლუვურად რომ ხუმრობს,
მალე გაიგემთ, რაც მამას უნდაო – დიდი ხანია, გავიგეთ – კაპეიკი უნდა. ყველა ის კაპეიკი, რომელიც სანქცირებული აიათოლური თანხების საქართველოზე გატარებისთვის წილად ერგება. სახდეპი ამაზე წუხს. კიდევ უნდა, რომ ეს რეალობა გიორგი კანდელაკის გამოგონილ ტყუილად გამოაცხადოს, მაგრამ, რუბიომ, ეგ არ გამოვაო. ვიცით სინამდვილე და სანამ ის არ აღმოიფხვრება, ჩვენთან დალაგებაზე ზღაპრების მოყოლით ფონს ვერ გახვალო.
“ოცნების” მთავრობის ქცევის ტრაექტორიის ცვლილება – რისი იმედი აქვს რუბიოს?
კომენტარები