აეროპორტებში მგზავრთა მომსახურების წესები შესაძლოა შეიცვალოს. ამის შესახებ ონალინკონფერენციაზე საქართველოს აეროპორტების გაერთიანების დირექტორმა თამარ არჩუაძემ განაცხადა და დასძინა, რომ საბოლოო გადაწყვეტილება ჯერ მიღებული არ არის, თუმცა მიდის მსჯეობა იმაზე, რომ ქვეყნის აეროპორტებში თერმოსკრინინგი მგზავრის არა მხოლოდ ჩამოფრენის, არამედ გამგზავრების დროსაც მოხდეს.
არჩუაძემ განაცხადა, რომ საქართველოს აეროპორტებში მგზავრთა მომსახურების წესებში ცვლილება სამედიცინო სექტორის რეკომენდაციების საფუძველზე მოხდება.
“სავარაუდოდ თითოეულ პროცედურაზე იქნება შეცვლილი რიგის კონტროლის მექანიზმები, რათა აეროპორტში მოხდეს სოციალური დისტანციის დაცვა. ასევე შესაძლებელია დამატებითი სკრინინგებიც გახდეს საჭირო. ჩვენ საერთაშორისო აეროპორტები თერმოსკრინინგის საშუალებებით აღვჭურვეთ. ამ ეტაპზე თერმოსკრინინგი უტარდება მხოლოდ ჩამომფრენ მგზავრებს და მიმდინარეობს მსჯელობა, რომ იგივე პროცედურა გაიაროს გამფრენმა მგზავრმაც. ეს დამოკიდებულია იმაზე რა რეკომენდაციები იქნება საერთაშორისო ორგანიზაციების მხრიდან”, – განმარტავს თამარ არჩუაძე.
როგორც საქართველოს საავიაციო უნივერსიტეტის მიერ ორგანიზებულ ონლაინ კონფერენციაზე “კორონავირუსი vs ავიაცია, გამოწვევები და შესაძლებელობები”, არჩუაძემ განმარტა, ამჟამად აეროპორტებში მისვლის შემდეგ მგზავრი გადის ბევრ პროცედურას და შემოწმებას, როგორიცაა რეგისტრაცია, საავიაციო უშიშროების შემოწმების პროცედურები, გადის საზღვარზე საპასრპორტო კონტროლს და მხოლოდ ამის შემდეგ ხვდება გამგზავრების დარბაზში.
კომენტარები