“ერთიანი ნაციონალური მოძრაობა” გამოდის ინიციატივით, რომ რუსეთში რეგისტრირებულ კომპანიებს საქართველოს სახელმწიფო ტენდერებში მონაწილეობის მიღება აეკრძალოთ.
როგორც ენმ-ის წევრმა, ლევან ხაბეიშვილმა პარლამენტში გამართულ ბრიფინგზე აღნიშნა, შესაბამის კანონპროექტს პარტია დღეს ბიუროს სხდომაზე დაარეგისტრირებს.
“ეს იქნება ტესტი, რა დამოკიდებულება აქვთ მათ იმ ასობით მილიონ ლართან, რომელსაც ჩვენდა სამწუხაროდ, ამ დრომდე ასხამდნენ რუსულ ეკონომიკაში. ჩვენ ვამბობთ, ეს უნდა აიკრძალოს. რუსეთში დარეგისტრირებულ კომპანიებს, აეკრძალოთ საქართველოში ტენდერებში მონაწილეობა. ხაზს ვუსვამ, აქ არ არის საუბარი, რომ რუსეთს მოქალაქემ საქართველოში დაარეგისტრიროს კომპანია და მერე ვერ მიიღოს მონაწილეობა, მას შეეძლება. საუბარია, რეზიდენტ კომპანიებზე, რომლებიც პირდაპირ რუსეთში აწარმოებენ ეკონომიკურ საქმიანობას”, – თქვა ლევან ხაბეიშვილმა.
კომენტარები