შესაძლოა, „სინოვაკით“ ვაქცინაციაც ჯანმოს ავტორიზაციის გარეშე დაიწყოს

ჯანდაცვის მინისტრის მოადგილე თამარ გაბუნია:

„ჩვენ თავიდანვე „სინოვაკთან“ მიმართებაში გვქონდა შეთანხმება მის მომწოდებელთან და ასევე ექსპერტების ჯგუფებთან, რომ ჯანმრთელობის მსოფლიო ორგანიზაციის ავტორიზაცია იქნებოდა ჩვენთვის გამშვები მექანიზმი „სინოვაკთან“ მიმართებაში. ყველაფერი დამოკიდებული იქნება იმ ვადებზე, რა ვადა დასჭირდება ჯანმრთელობის მსოფლიო ორგანიზაციას „სინოვაკის“ ავტორიზაციისთვის. შესაძლებელია, ჩვენ მოგვიხდეს ამ გადაწყვეტილების რევიზია და დამატებითი მექანიზმის შემოტანა იმისთვის, რომ „სინოვაკის“ გამოყენებაც დროულად შევძლოთ.

მომდევნო დღეებში ვაქცინაციის საბჭო ისევ დაუბრუნდება „სინოვაკის“ საკითხს და როგორც კი „სინოფარმით“ ვაქცინაცია უფრო აქტიურად [წავა] და დასასრულს მიუახლოვდება, შესაძლოა დადგეს „სინოვაკით“ ადრეული ვაქცინაციის დაწყების საკითხი“

მან კვლავ არ გამორიცხა, რომ პროცესს შესაძლოა დაეწიოს ჯანმოს ავტორიზაციაც.