დედაქალაქის ერთ-ერთ უბანში, ერთ-ერთ სკვერში, 7 წლის ბიჭზე, სავარაუდოდ, სექსუალურად იძალადეს.
“კურიერის” ინფორმაციით, რამდენიმე დღის წინ, დღის საათებში მცირეწლოვანზე მისმა უბნელებმა იძალადეს, მოძალადეებს შორის 2 არასრულწოვანი და 1 ზრდასრულია. სქესობრივი კავშირი მცირეწლოვანზე მუქარით განახორციელეს. შემთხვევის შესახებ ბავშვმა დედას უთხრა, სამართალდამცველებმაც ამბავი მშობლისგან გაიგეს.
უბანში, სადაც დანაშაული მოხდა, ძალადობის შესახებ თითქმის ყველამ იცის, თუმცა დეტალებზე არ ლაპარაკობენ. იცნობენ ოჯახსაც, რომლებიც იქ ქირით ცხოვრობენ, თუმცა იმის გამო, რომ საქმე არასრულწლოვანს ეხება , საჯაროდ საუბრისგან ყველა თავს იკავებს.
პოლიციამ ამოიღო ვიდეოჩანაწერები.
7 წლის ბიჭზე სქესობრივი ძალადობა გასულ წელსაც განხორციელდა, ამჯერად, დანაშაული ერთ-ერთ რეგიონში მოხდა, სადაც ბავშვი დასასვენებლად მშობლებთან ერთად იმყოფებოდა. არაოფიციალური ვერსიით, მაშინ მცირეწლოვანს ინტიმური ხასიათის ფოტოებიც გადაუღეს, არ არის გამორიცხული, მოძალადეები მსხვერპლს სწორედ ამ ფოტოებით აშანტაჟებდნენ.
სავარაუდოდ, დანაშაულში მონაწილე პირები ერთმანეთთან კავშირში არიან. “კურიერის” ინფორმაციით, ჩატარებულია ექსპერტიზაც და დასკვნა უახლოეს დღეებში გახდება ცნობილი.
კომენტარები