საპარლამენტო უმრავლესობის წევრმა ირაკლი კობახიძემ განაცხადა:
„შარლ მიშელმა თქვა რომ კრიზისი დასრულებულია, ეს არის მთავარი. დანარჩენი, ჩვენ ვხედათ, რომ ოპოზიციის რადიკალური ნაწილი კვლავაც ეწინააღმდეგება როგორც შეთანხმების შინაარს, ასევე შეთანხმების შინაარსის საერთო სულისკვეთებას, ეს არის კონკრეტული ნაბიჯები, რაც უბრალოდ არასწორია.
ამნისტიის შესახებ დოკუმენტში არის ჩანაწერი, რომელიც აცხადებს ერთადერთ რამეს, რომ ამნისტია უნდა შეეხოს ყველას, თუმცა ადამიანის უფლებათა კონვენციიდან გამომდინარე, ჩვენ ვფიქრობთ, რომ უნდა დაკონკრეტდეს. არის გარკვეული მუხლები, რომლებსაც არ შეიძლება, შეეხოს ამნისტია, რაც კონვენციის მეორე, მესამე მუხლებითაა გათვალისწინებული, ეს არის მათ შორის სხეულის განზრახ მძიმე დაზიანება, წამება და არაადამიანური მოპყრობა. შესაბამისად, ვფიქრობ, ამნისტიის შესახებ კანონში ჩანაწერი უნდა გაკეთდეს. რაც შეეხება დანარჩენ მუხლებს, გაგაცნობთ დეტალებს, როგორ იქნება გაწერილი ამნისტიის შესახებ კანონი, ის მოიცავს ყველაფერს, მაგრამ არა იმ მუხლებს, რომლებიც კონვენციას ეწინააღმდეგება. ეს არის ჩემი პირადი პოზიცია, ჩემი კოლეგების პოზიცია და ამაზე ვიმსჯელებთ.
თანასწორობის პრინციპი თუ არ იქნება დაცული, ნებისმიერი შესაძლო პირი მიმართავს საკონსტიტუციო სასამართლოს და მოიგებს სარჩელს ამნისტიიის კანონის წინააღმდეგ, შესაბამისად, ჩვენ გამართული კანონი უნდა წარვუდგინოთ პარლამენტს და მივიღოთ გამართული კანონი. თანასწორობის პრინციპი უნდა იყოს დაცული. უმარტივესი პრინციპია, რომ თუ გამოიცემა ამნისტიის კანონი, ის უნდა შეეხოს იმ პირებსაც, რომლებზეც უკვე აღიძრა საქმე და იმ პირებსაც, რომელთა მიმართაც შეიძლება, აღსაძრავი იყოს საქმე, ეს არის მარტივი იურიდიული დეტალი. წინააღმდეგ შემთხვევაში, ირღვევა თანასწორობის პრინციპი, ეს არის იურისპრუდენცია და არა პოლიტიკა.
მელიას მიმართ საუბარია ბრალზე, ამას ჰყავს უამრავი დაზარალებული, ყველაფერი დაიწყო მელიას მოწოდებით შტურმთან დაკავშირებით და ყველა დანარჩენი, ვინც არის დაზარალებული, პრაქტიკულად, მელიას დაზარალებულები არიან. წარმოიდგინეთ, ახლა ახალი პოლიტიკური სპეკულაციისთვის უნდა გავხსნათ ჩვენ რაღაცა საფუძველი, როდესაც მოვითხოვთ დაზარალებულის თანხმობას. მემგონი, არ არის მიზანშეწონილი ამის გაკეთება, შესაბამისად, სჯობს ალბათ ეს არ ჩაიწეროს, თუმცა დამატებით ვიმსჯელებთ ყველასთან. თუ ვინმე დაგვარწმუნებს, რომ რაღაც ასე ჯობია ან ისე, რა თქმა უნდა, ამაზე ვიმსჯელებთ. მე როგორც ვიცი, ორივე მხარეს არიან ადამიანები, ვისაც აქვთ დაზარალებულის სტატუსი. სამართლამდაცავი ორგანოების წარმომადგენელთაგან ვინც მიიღო დაზიანებები, ყველა არის დაზარალებული, მე ასე ვიცი. მელიას მხრიდან, გამომდინარე იქიდან, რომ შტურმი დაიწყო მისი მოწოდებით. შტურმი პარლამენტში დაიწყო მელიას მოწოდების საფუძველზე, ამაზეა საქმე აღძრული, შესაბამისად, ვინც დაზიანდა ამ შტურმის საფუძველზე, ყველა არის დაზარალებული“
შეგახსენებთ, პოლიტოლოგ, გია ხუხაშვილის თქმით, კონვენციულ დანაშაულს ისედაც არ შეეხება ამნისტია და მასზე საუბარი სრული აბსურდია – “საუბრობენ იმაზე, რომ კონვენციულ დანაშაულს არ შეეხება ამნისტია, რაც სრული აბსურდია, კონვენციურ დანაშაულს ისედაც ვერც შეეხება, ამ ტიპის საერთაშორისო ხელშეკრულებები, ჩვენ კანონმდებლობაზე მაღლა დგას და ამ ტიპის კანონის მიღება იქნებოდა უკანონო.”
კომენტარები