პოლიტიკოსი ირინა სარიშვილი სოციალურ ქსელში წერს:
„ამ დღეებში ბევრს ლაპარაკობენ ოპოზიციის შესაძლებელ კომპრომისზე, თუ ხელისუფლება პოლიტპატიმრებს გაანთავისუფლებს. ჰოდა ვზივარ ჩემთვის და ვფიქრობ: აი მე ვარ პოლიტპატიმარი. დამაპატიმრა ხელისუფლებამ სხვა საბაბით, მაგრამ სინამდვილეში მიზეზი ჩემი პოლიტიკური შეხედულებები და მიზნებია და როცა ამ ხელისუფლებას უზურპატორს და ტირანს ვუწოდებ, ეს ჩემთვის არ უნდა იყოს მოულოდნელი. ჩემი თანამოაზრეები აგრძელებენ ჩვენს საერთო ბრძოლას, რომელსაც კიდევ ერთი მოთხოვნა ემატება – ჩემი განთავისუფლება. შეწყალება კი არა, განთავისუფლება. ყველა მოლაპარაკებას, რა თქმა უნდა, თან ახლავს კომპრომისები. არც პოლიტპატიმრის განთავისუფლების მოთხოვნაა გამონაკლისი. მაგრამ! თუ ჩემს განთავისუფლებაში ჩემმა თანამოაზრეებმა ის ფასი უნდა გადაიხადონ, რისთვისაც სინამდვილეში დამიჭირეს და ამ შემთხვევაში ეს რიგგარეშე არჩევნებია, მინდა კი მე ამ ფასად თავისუფლება?! მაშინ საერთოდ რატომ ვიბრძოდი და რატომ დავაჭერინე თავი, თუ ის უნდა დავთმო, რისთვისაც ციხეში ჩავჯექი?! ჰოდა, არა – მე თუ პოლიტპატიმარი ვარ, ამ ფასად თავისუფლება არ მინდა, რადგან ამით ჩემ თავგანწირვასაც აზრი ეკარგება და საბოლოო შედეგი – ზერო! არასოდეს არაფერზე ისეთზე თავს არ ვდებ, რაც საკუთარ თავზე არ მაქვს გამოცდილი და ზუსტად არ ვიცი, როგორც მოვიქცეოდი. ამ შემთხვევაში დანამდვილებით ვიცი, რომ მე ასეთ ფასად თავისუფლება არ მინდა და ბრძოლის გაგრძელებას ვირჩევ. ეგებ ეს გაითვალიწინოთ ოპოზიციონერებო, როცა მოლაპარაკების მაგიდას მიუსხდებით, თან ისიც გახსოვდეთ ვის ელაპარაკებით – ამ ქვეყნის მტრებს და გადამგდებებს. ეჭვი მეპარება, რომ რომელიმე დღევანდელ პოლიტპატიმარს სურდეს რიგგარეშე არჩევნების, ანუ ამ ქვეყნის მომავლის დათმობის ფასად განთავისუფლება. გახსოვთ, ბაჩო ახალაიამ საკუთარი დედის პანაშვიდზე დასწრებაზე უარი რომ თქვა, რადგან არ უნდოდა ამ ხელისუფლების მიერვე ბორკილებდადებულს ამ “მოწყალებით” ესარგებლა? ღირსება ყოველთვის უნდა შეინარჩუნო, მით უმეტეს პოლიტიკაში და მით უმეტეს – ასეთ დროს. უნდათ კი პოლიტპატიმრებს მთავარ მიზანში რომ გაიცვალონ? იფიქრეთ ამაზე, გთხოვთ“
კომენტარები