“ესპანეთმა, საფრანგეთმა, გერმანიამ შეაჩერა ასტრაზენეკას გამოყენება”- ზაზა წერეთელი

ნორვეგიის სამეფოს ჯანდაცვის სამინისტროს უფროსი მრჩეველი, ზაზა წერეთელი, სოციალურ ქსელში, წერს:

“სანამ თბილისში თეთრი კვამლის ამოსვლას ელოდებიან მოლაპარაკებების შეხვედრის ადგილიდან

და სანამ ანტივაქსერებს აუტეხიათ ერთი ამბავი

მანამდე, დღეს ესპანეთმა (2 კვირით), საფრანგეთმა (კვირის ბოლომდე), გერმანიამ (2 კვირით) შეაჩერა ასტრაზენეკას გამოყენება.

გერმანიის ჯანდაცვის სამინისტრომ გამოაცხადა, მათი გადაწყვეტილება ეყრდნობა პოლ ერლიხის ინსტიტუტის (PEI) რეკომენდაციას, რომელიც ქვეყნის მთავარი ინსტიტუტიც ვაქცინაციის საკითხებში.

”ამ გადაწყვეტილების საფუძველია ცერებრალური ვენის თრომბოზის ახალი შემთხვევები, რომლებიც დაკავშირებულია ასტრაზენეკას ვაქცინაციასთან”, – თქვა ჯანდაცვის მინისტრმა იენს სპანმა

ნორვეგიამაც კიდევ ერთხელ გაუსვა ხაზი, რომ სანამ ყველა შემთხვევა ბოლომდე არ იქნება გამოკვლეული, ამ ვაქცინის გამოყენება დროებით იქნება შეჩერებული

და ბოლოს ესტონეთის პრემიერ-მინისტრას დაუდგინდა დღეს ინფიცირება.”