“მე ველოდები, როდის გამოვა ეს გაჭირვებული ხალხი ქუჩაში – ამიტომ ვლაპარაკობ ჯანყზე…” – თაკო ჩარკვიანი

პარტია “კანონი და სამართლის” ლიდერი, “სტრატეგია აღმაშენებლის” წარმომადგენელი თაკო ჩარკვიანი “რუსთავი 2”-ის ეთერში ამბობს:

“თაკო ჩარკვიანზე რომ ეთქვათ რევოლუციას ხშირად ახსენებსო, კი ბატონო, მაგრამ მამუკა ხაზარაძეზე მოგისმენიათ როდესმე რევოლუცია მოვახდინოთო? – რატომ უნდა დავაბრალოთ?

მე ჩემს სიტყვებზე ყოველთვის ვაგებ პასუხს. “რევოლუცია მოვახდინოთ” მეც კი არასდროს მითქვამს, იმიტომ, რომ რევოლუციას ოპოზიცია ვერასდროს ვერ გააკეთებს და მაძღარ და კმაყოფილ ხალხს ვერასდროს ვერ გამოიყვანს ქუჩაში. ხალხი ქუჩაში გამოჰყავს, ბოდიში და, კანონდამრღვევ, რეგვენ ხელისუფლებას. სისულელეა, როგორ იტყვის ოპოზიცია რევოლუცია გავაკეთოთ, როგორ გააკეთებს, თუ ხალხი კმაყოფილია.”

ოპოზიცია ელოდება ხალხის უკმაყოფილების ტალღის აგორებას? გულწრფელად მიპასუხეთ – ეკითხება წამყვანი

თაკო ჩარკვიანი:

“ჩემი საკუთარი თავიდან ვიტყვი, მხოლოდ მე, თამარ ჩარკვიანი ველოდები, როდის გამოვა ეს ძალიან გაჭირვებული ხალხი ქუჩაში, რადგან რაღაცით მინდა ვუშველო.

დავდვართ რეგიონებში, ვაგრძელებთ მოსახლეობასთან კომუნიკაციას. სულ მეუბნებიან, რომ ის პერიოდი ოპოზიცია ჩუმად იყავითო. არა, არ ვიყავით ჩუმად, პიკში იყო კოვიდი და პლუს, მოუგვარებელი ჯანდაცვის სისტემა. ჩვენ რაღაც პასუხისმგებლობით მივუდექით ამ საკითხს. შენ სთავაზობ ხალხს რომ გამოვიდეს აქციაზე – სწორია, მაგრამ ვერ მოხსენი, ვერ გააგდე ეს თოჯინა, ჯანდაცვის მინისტრი….

გამოდიან უკვე, გამოვლენ, ჩვენ არ გამოგვყავდა… თორემ, როდესაც მოვინდომეთ, თქვენ გახსოვთ… გაქანებული კოვიდი იყო და ვღელავდით.. ძალიან ვღელავდით… “

ცდილობთ, რო მეტი საპტროტესტო მუხტი გაჩნდებს ქვეყანაში, ეს არის სტრატეგია? – ჩაეკითხა ჟურნალისტი

თაკო ჩარკვიანი:

“რა თქმა უნდა, მსოფლიოში არავის გამოუგონია სხვა სტრატეგია ისეთი აღვირახსნილი ხელისუფლების დროს. სხვა მექანიზმი არ გამოუგონია. რომ გვეკითხებიან რა იყო თქვენი გეგმა – ჩვენი გეგმა იყო ის, რომ არ “გავუპრავეთ” გაყალბებული არჩევნები! გაყალბების მტკიცებულება ჩვენ მივუტანეთ, მაგრამ არ მიიღო, რა ვქნათ… შემიძლია ის ასლები რაც გაგვაჩნია, რაც შევიტანეთ ამოვალაგოთ… იმიტომ ვლაპარაკობ ჯანყზე, რომ თუ აღმოჩნდა პროკურატურა და სასამართლო ჩვენი არ არის, მშიერი და აუცრელია ხალხი, შიმშილმა მოიმატა, სიკვდიალიანობამ მოიმატა… ეს ხომ კონვენციით მონიჭებული უფლებაა, რომელიც უეჭველი უნდა გამოვიყენოთ… ოღონდ, ხელისუფლების მიერ გაგიჟებული ხალხი რომ გამოვა, გონიერმა ოპოზიციამ ისე უნდა გააკონტროლოს ვითარება, რომ თავზე არ ჩამოვილეწოთ სახელმწიფო ინსტიტუციები”