“მერე მოდგებიან ისევ ექიმებს: “შტერები, უვიცები, დედა მომიკლეს, მამა მომიკლეს, დედას გიტირებთ, დაგკლავთ, დაგახრჩობთ” და ა.შ.”

სოციალური ქსელის მომხმარებელი, მარი ბერძენა, წერს:

“თქვენ რესტორნები აგრიალოთ და რესტორნებში იგრიალოთ და ჩემს მეგობარ ექიმებს და ექთნებს ადამიანური გამოძინება ენატრებოდეთ კაპიკებზე მომუშავეებს, პანტაპუნტით ცვიოდნენ და ეწირებოდნენ კორონას, რა მაგარი ბალანსია?!

მერე იკივლეთ საავადმყოფოების ეზოებში, სიცხიანი ვდგავართ ამხელა რიგშიო! მაქვს ამის ვიდეოც ოქტომბერ-ნოემბრის წივილ-კივილის ერთ-ერთი საავადმყოფოს ეზოში! მთავარი ექიმი გამოვიდეს კაბინეტიდან და იქ დადგას ჩვენთვის საწოლებიო (ედგა კიდეც რამდენიმეს), თმებს იგლეჯდით, ახლა რესტორნებს და სკოლებს ითხოვთ?

აა, თქვენ უკვე გამოიარეთ და დანარჩენები ფეხზე გკიდიათ? რამდენი ექიმის სიცოცხლე შეიწირეთ თქვენი დაუდევრობით და ლოკდაუნისას ხვანცალით. ლოკდაუნის გარეშე რას იზამთ, ხომ წარმოგვიდგენია.

მერე მოდგებიან ისევ ექიმებს და გაიხდიან ხელ და ფეხსახოცებად, “შტერები, უვიცები, პროტოკოლს არ სცდებიან, დედა მომიკლეს, მამა მომიკლეს, ძმა მომიკლეს, დედას გიტირებთ, დაგკლავთ, დაგახრჩობთ” და ა.შ.

სიმართლე ის არის, რომ თქვენ თვითონ კლავთ თქვენი დაუდევრობით თქვენი ოჯახის წევრებსაც და ბარე ორი ექიმიც და ექთანიც თქვენი მსხვერპლი გახდა!

—————

სახის ნაკვთიც არ მიტოკავს, ისე ვწერ, რასაც ვფიქრობ”