„როცა კახა ბენდუქიძეს აქციის მონაწილემ შეაფურთხა, კახა არ დაეთანხმა იმ პირის დაკავებას“

ყოფილი კმარელი, თეა თუთბერიძე სოციალურ ქსელში წერს:

„მოკლედ გაოცებას ვერ ვმალავ ისეთი ხალხი აყენებს კითხვის ნიშნის ქვეშ გამოხატვის თავისუფლების ფორმებს! ერთ ამბავს შეგახსენებთ მეგობრებო. თუ ზუსტად მახსოვს კახა ბენდუქიძე ახალი დანიშნული იყო ეკონომიკის მინისტრად, როცა ვიღაც გიჟები აქციას უწყობდნენხოლმე. ერთ დღესაც კახა გამოდიოდა სამინისტროდან და ერთ-ერთმა აქციას მონაწილემ შეაფურთხა და ეს აქციის მონაწილე დაიჭირეს (ხულიგნობის მუხლით, რაც იყო მარაზმი, რადგან ის შეფურთხება, მიუხედავად იმისა რომ შეიძლება შეურაცხმყოფელია, პოლიტიკური აქციის დროს განიხილება როგორც გამოხატვის თავისუფლების ფორმა და ადამიანებს აქვთ უფლება გამოხატონ პროტესტი მათ შორის ყველაზე რადიკალური, ჩემთვის ან თქვენთვის მიუღებელი ფორმებით). მახსოვს, მთელი ამბები გვქონდა ამ ამბავზე მიშასთან შეხვედრის დროს. თავად კახაც არ დაეთანხმა იმ პირის დაკავებას. მე კი, მიუხედავად იმისა რომ მიმაჩნდა, რომ კახა რასაც აკეთებდა აბსოლუტურად სწორი იყო და ისინი ვინც აქციებს უწყობდნენ სრული გიჟები, ყოველთვის ვიცავდი და დავიცავ გამოხატვის თავისუფლებას, არ აქვს მნიშვნელობა ფორმები მომეწონება თუ არა!დამცირებად და შეურაცხყოფად უამრავი რამ შეგიძლიათ აღიქვათ და არა მხოლოდ თქვენ, არამედ თითოეულმა ჩვენგანმა უნდივიდუალურად და მაგისთვის რომ პრიორიტეტი მიენიჭებიათ გამოხატვის თავისუფლება საერთოდ აღარ იარსებებდა! მე მოქალაქემ შემიძლია გამოვხატო პოლიტიკური პროტესტი პოლიტიკოსების წინააღმდეგ და მათ შორის არა მხოლოდ ნაგვის ურნის თავზე დამხობით, არამედ ნაგვის ურნაში ჩაყუდებით მათი! და კიდევ ამაზე უარესი ფორმითაც. ისინი კი ვინც მზად არ არიან მსგავსი აიტანონ, ნუ წავლენ პოლიტიკაში და დასხდნენ სახლებში, გამოთალონ სკამები, დაბარონ ეზო, დადგონ ხეხილი და ა.შ. საბედნიეროდ თქვენი საზომით გამოხატვის თავისუფლების ფორმები არ იზომება განვითარებულ სამყაროში.

P.S. If you can’t take the heat, stay out of the kitchen!“