პოლიტიკოსი, ირინა სარიშვილი, სოციალურ ქსელში, წერს:
“როდესაც ებრძვი ბოროტებას, ძალიან დიდია საფრთხე იმისა, რომ ამ ბრძოლაში ვისაც ებრძვი, იმას დაემსგავსო.
და რაც უფრო დიდია ბოროტება, მით უფრო იმატებს ეს საფრთხე.
მეორეს მხრივ, როდესაც კაზინოს სხვადასხვა ღირებულების “ფიშკად” გთვლიან, როდესაც შულერი გეთამაშება, უაზრობა და უსუსურობაა მას ჭადრაკის სვლებით დაუპირისპირდე – ჭადრაკი მხოლოდ ჭადრაკის დაფაზე შეიძლება ითამაშო და არა რულეტკასთან.
რა უნდა გააკეთო იმისთვის რომ არ დაემსგავსო იმ ბოროტებას, ვისაც ებრძვი და თან მოუგო? – უნდა გადმოიყვანო ის კაზინოდან შენს მოედანზე – ქუჩაში და იქ მოუგო.
როგორ უნდა აირიდო თავიდან თანამოაზრეებს შორის უთანხმოების გამომწვევი ექსცესები? – ამისათვის სიტუაცია შენ უნდა აიღო ხელში და ყველა აქცია შენი – პოლიტიკოსის მიერ უნდა იყოს ორგანიზებული.
რთულია? კი, რთულია, მაგრამ სხვა გზა იმ ბოროტებასთან საბრძოლველად, რომელიც ფიზიკურად და მორალურად განადგურებს, უბრალოდ არ არის და თუ გინდა ამ ბრძოლაში გამარჯვება, ეს უნდა შეძლო.
და სანამ ამას არ ან ვერ აკეთებ, ნუ გიკვირს და ნუ საყვედურობ არაპოლიტიკოს მოქალაქეებს, რომლებიც მათი შვილების ხარჯზე გაზულუქებულ კაცუნებს თავზე ნაგავს დააყრიან – იმ ნაგავს, რომელშიც უამრავი ადამიანი ამდენი წელია საჭმელს ეძებს!
ოპოზიცია, გაინძერი, სანამ ქაოტურად, შენგან უმართავად, სასოწარკვეთილმა ხალხმა თვითონ დაიწყო შურისძიება და სანამ არ ინძრევი, არ გაქვს უფლება დაგმო ის, ვინც უშენოდ დარჩენლი, როგორც ესმის, ისე ებრძვის ბოროტებას!
ოპოზიცია! გაინძერი!”
კომენტარები