საკანონმდებლო ორგანოში “მოქალაქეების” ლიდერმა ალეკო ელისაშვილმა მმართველ პარტიასთან შეხვედრის დაწყებამდე ჟურნალისტებთან კომენტარი გააკეთა.
როგორც ელისაშვილმა აღნიშნა, დღეს მმართველ პარტიასთან “მოსამზადებელი შეხვედრა” იქნება.
ელისაშვილის თქმით, შეთანხმების დადების გარეშე იისნი პარლამენტში არ აპირებენ შესვლას.
“პარლამენტის თავმჯდომარეს ვხვდებით, არანაირი პირობებით, ჩვენ გვაინტერესებს მათი მზაობა, შეთანხმების პუნქტებთან დაკავშირებით, რამდენად აქვთ სერიოზული მზაობა. ამ პუნქტების შეუსრულებლობის გარეშე ჩვენ არ ვაპირებთ პარლამენტში შესვლას, განსაკუთრებით, ჩვენთვის პრიორიტეტულია პოლიტპატიმრები, საარჩევნო სისტემის ცვლილება და საარჩევნო ადმინისტრაციის სრული რეფორმირება”,- აცხადებს ელისაშვილი.
შეგახსენებთ, პარტია „მოქალაქეების“ წევრები ალეკო ელისაშვილი და ლევან იოსელიანი პარლამენტში ცოტა ხნის წინ მმართველ პარტიასთან შესახვედრად მივიდნენ. “მოქალაქეების” წევრები პარლამენტის თავმჯდომარეს არჩილ თალაკვაძეს უნდა შეხვდნენ.
კომენტარები