ხელოვნურ პროვოკატორებს არ უნდა მოუსმინოთ, თქვენ თავს არავის დავაჩაგვრინებ – პატრიარქი

ჩოხატაურის რაიონის სოფელ ბუკნარში განვითარებული მოვლენების ფონზე სოციალურ ქსელში საქართველოს პატრიარქის 2013 წლის სიტყვები გაიხსენეს, რითაც ილია მეორე მაშინ მსგავსი ტიპის დაპირისპირებას (სამთაწყაროში) გამოეხმაურა და მისი ბავშვობის მოგონება გაიხსენა:

„მე დავიბადე ყაზბეგში და ძალიან ხშირი სტუმრობა იყო ჩემთან მუსლიმანი ქისტების. ჩვენთან რომ ჩამოდიოდნენ, ჩვენს სიხარულს საზღვარი არ ჰქონდა. დედა და ბებია ყველაზე კარგ ოთახში აგებდნენ ხალიჩებს, რომ იმათ თავისთვის ელოცათ. ჩვენ ხატების წინ ვლოცულობდით, შემდეგ კი ერთად ვსხდებოდით და ვჭამდით საჭმელს.

“ღმერთი არის ერთი და ამიტომ მუსლიმები და ქართველები ერთმანეთს უნდა დაეხმარონ. ჩვენთვის ერთიც და მეორეც შვილები ხართ და არავის დავაჩაგვრინებთ. ვისაც ლოცვა მოგინდებათ, შეგიძლიათ ჩემთან მოხვიდეთ. თქვენ ერთმანეთს უნდა დაეხმაროთ. ხელოვნურ პროვოკატორებს არ უნდა მოუსმინოთ. ღვთის მადლით, მშვიდად უნდა ვიყოთ და ღმერთი ვადიდოთ”