ჩვენთან რბილი ლოკდაუნია, უნდა გამკაცრდეს რეგულაციები და კონტროლი მის შესრულებაზე – ცერცვაძე

თენგიზ ცერცვაძე დღეს ქუთაისში კლინიკების წარმომადგენლებს შეხვდა. ქუთაისში მან ჟურნალისტებთან კომენტარი შეზღუდვებზე გააკეთა:

“უნდა გამკაცრდეს რეგულაციები და კონტროლი მის შესრულებაზე. ეს არის გზა, რომ კოვიდინფექციის გავრცელების მესამე ტალღა თავიდან ავიცილოთ…

საქართველოში ევროპის ქვეყნებთან შედარებით არის რბილი ლოქდაუნი. საქართველოში კერძო მანქანებით ქუჩები გადავსებულია, რასაც იქ ვერ ნახავთ…. აშშ-სა და ინგლისში ისეთი ლოქდაუნებია, ჩვენ არც დაგვესიზმრება. ინგლისში ადამიანების საბუთის გარეშე ბინიდან გასვლის უფლება არა აქვთ. რომ ამბობთ, ჩვენთან სასწრაფო და კლინიკაში ადგილი არ იყოო, აშშ-სა და ინგლისში სასწრაფოები კილომეტრიან რიგებში დგანან და ავადმყოფებს 8-8 საათი სასწრაფოებში გატარება უწევთ, რადგან კლინიკაში ვერ ათავსებენ. აშშ-ში განკარგულება გასცეს, რომ ჟანგბადი მხოლოდ იმას მისცენ, ვისაც 90-ზე ნაკლები აქვს, (იგულისხმება სატურაცია), მაშინ როცა ჩვენ 93-ზე ნაკლებზე ვაძლევთ“

მისივე განცხადებით, ყველაფერი უნდა გაკეთდეს, რომ როცა თებერვლიდან შეზღუდვები მოიხსნება, ვირუსის გავრცელების მესამე ტალღას რაც შეიძლება დაბალი საწყისი რაოდენობა ჰქონდეს.”