ბიძინა ივანიშვილმა პოლიტიკიდან წასვლის შემდეგ განაცხადა, რომ მისი კაპიტალის უდიდეს ნაწილს საქველმოქმედო ფონდს გადასცემს. entrepreneur-მა გამოაქვეყნა იმ ქონების ჩამონათვალი, რომელიც საქართველოს ყოფილმა პრემიერ-მინისტრმა უკვე გადასცა საქველმოქმედო ფონდს, ნაწილი კი ამჟამად გადაცემის პროცესშია.
„ფერწერული ტილოების კოლექციის, ერთი ნაწილი უკვე გაიყიდა, ფული კი ფონდში მიიმართა. როდესაც დანარჩენი ნახატების რეალიზაცია მოხდება, სახსრები ასევე საქველმოქმედო ფონდს გადაეცემა. თუმცა, არ არის გამორიცხული, მათ რეალიზაციას არ დაველოდოთ და ნაწილი ნამუშევრების სახით გადავცეთ ფონდს. ეს მილიარდნახევარი დოლარი სრულად მოხმარდება ქველმოქმედებას.” – თქვა ივანიშვილმა
საქართველოს ყოფილი პრემიერ მინისტრი ინტერვიუში არ აკონკრეტებს, რამდენად გაყიდა მსოფლიო ხელოვნების ნომუშებად აღიარებული ფერწერული ტილოები, თუმცა რამდენიმე ნამუშევრის გაყიდვის შესახებ ინფორმაცია ჯერ კიდევ 2017 წელს „ფორბსის“ ფურცლებზე მოხდა.
ბიზნესმენი შეელია დე კუნინგის ერთ-ერთ თავის საყვარელ ნამუშევარს, რომელიც 66,3 მილიონ აშშ დოლარად გაიყიდა.
Forbes-ის ცნობით, ნოემბერშივე Christie’s -ის აუქციონზე, როკფელერ ცენტრში $18,4 მილიონად გაიყიდა პაბლო პიკასოს “ადამიანი მილით”, რომელიც ამშვენებდა თბილისში ივანიშვილის ბიზნეს ცენტრის საბილიარდოს.
ლონდონში Christie’s-ის აუქციონზე ივნისში გაიტანეს $24 მილიონად ლუსიენ ფრეიდის ნამუშევარი “იბი და მისი მეუღლე”, – ამ სურათის ბედი უცნობია.
თუმცა, ამავე აუქციონზე ივანიშვილმა მომგებიანად გაასხვისა ფრენსის ბეკონის ერთ-ერთი ნამუშევარი “მწოლიარე ფიგურა საინექციო შპრიცით, ვერსია № 2”. ნამუშევარი 27,1 მილიონად გაიყიდა.
უცნობია, რა ბედი ეწია ივანიშვილის საკუთრებაში არსებულ ერთ-ერთი ყველაზე ძვირადღირებული ტილოს – პაბლო პიკასოს “დორა მაარი კატასთან ერთად”. ივანიშვილმა ეს ნახატი 2006 წელს 95,2 მლნ აშშ დოლარად იყიდა.
კომენტარები