რა ვიცით ჩინური წარმოების ვაქცინაზე? – ვახტანგ კალოიანი

ანესთეზიოლოგიისა და კრიტიკული მედიცინის ასოციაციის დამფუძნებელმა ვახტანგ კალოიანმა „ინტერპრესნიუსთან “ საქართველოში ჩინური წარმოების ვაქცინის „სინოვაკის“ და „სინოფარმის“ შემოტანაზე საუბრისას თქვა:

„დღევანდელი ინფორმაციით, ჩინური ვაქცინის საბოლოო ეფექტურობის უსაფრთხოება დადასტურებული არ არის. მას მესამე ფაზის კვლევები ჯერ არ გაუვლია.

გუშინ ჯანდაცვის მსოფლიო ორგანიზაციის თავმჯდომარემ კიდე ერთხელ სთხოვა ჩინურ კომპანიას, რამენაირად მიეწოდებინა ინფორმაცია მათთვის, თუ რა ეტაპზეა კვლევები. ჩინური ვაქცინის კვლევები ჩატარებულია იმ ქვეყნებში, რომლებიც დიდი ავტორიტეტით არ გამოირჩევიან სამეცნიერო სამყაროში. ეს არის ბრაზილია, ინდონეზია და თურქეთი. ამასთანავე, ბრაზილიურმა კვლევამ ამ ვაქცინების 50%-იანი ეფექტურობა აჩვენა.

ჯერ კიდევ არ გვაქვს საბოლოო შედეგი. თუ, რა თქმა უნდა, ავტორიტეტული ორგანიზაციები დაადასტურებენ მის ეფექტურობას და სანდოობას, როდესაც ჩინური კომპანია მიაწვდის ჯანდაცვის მსოფლიო ორგანიზაციას და FDA-ს, რა თქმა უნდა, ამ შემთხვევაში შეიძლება ფიქრი. ჯერ ძალიან ადრეა ამაზე საუბარი. ჯერჯერობით ჩინური ვაქცინა არაფერ საიმედოს არ გვეუბნება, გარდა ფასისა და შენახვის პირობებისა.

ეფექტურობის და სანდოობის დადასტურების გარეშე საქართველოში ჩინური წარმოების ვაქცინის შემოტანა გაუმართლებელია. ოფიციალურმა პირებმაც საზოგადოებრივი ზეწოლის შემდეგ თქვეს, რომ ისინი არ აპირებენ „კოვაქს“ პლატფორმაზე დარეგისტრირების, ან ავტორიტეტული ორგანიზაციების დასკვნის გარეშე ამ ვაქცინების შემოტანას. იმედი გვაქვს არ მოგვატყუებენ“

ცნობისთვის, ჩინეთის მიერ წარმოებულ ვაქცინებს „სინოვაკსა“ და „სინოფარმს“ ჯანდაცვის მსოფლიო ორგანიზაციის და ამერიკის წამლისა და საკვების ადმინისტრაციის ავტორიზაცია ჯერ არ მიუღიათ.