„ერთიანი ნაციონალური მოძრაობის“ თავმჯდომარის პოსტის დაკავების შემდეგ ნიკანორ მელიას პოპულარობა გაიზარდა. საზოგადოებას მისი ცხოვრებისეული ამბებიც აინტერესებს.
მისი მეუღლე, ბიოლოგი, მაიკო ბეგიაშვილია. წყვილს ერთი შვილი, ალექსანდრე, ჰყავს.
ნიკა ბეგიაშვილთან ოფიციალურ ქორწინებაში არ ყოფილა, შესაბამისად საზოგადოებას დიდი ინტერესი ჰქონდა ვინ იყო მელიას რჩეული.
ნიკას და მაიკოს შვილს დაბადების დღე 21 დეკემბერს ჰქონდა და პოლიტიკოსმა შვილის ვიდეო სოციალურ ქსელში გამოაქვეყნა.
„გაეღვიძა, ვერ იძინებს. ეიფორიით ხსნის საჩუქრებს“,- წერია ვიდეოს აღწერაში. ალექსანდრე 6 წლის გახდა.
საინტერესოა ისიც, რომ კულუარული ინფორმაციით ნიკას მაიკომდე ერთი იარანელი ქალი, გაზელი ჰყვარებია…
ეს ჯერ კიდევ მაშინ იყო, როცა ნიკა ლონდონში ცხოვრობდა.
ოჯახი არ იყო მათი ქორწინების წინააღმდეგი, გოგო მზად იყო, ქრისტიანობა მიეღო, მაგრამ… ქორწინებამდე საქმე მაინც ვერ მივიდა.
„არავინ წინააღმდეგი არ წასულა, მაგრამ მაინც არ შედგა, ალბათ, ორივეში გაიღვიძა ფობიამ, რომ ერთი კულტურა საბოლოოდ მეორეს ვერ გაუგებდა… დღემდე გვაქვს ურთიერთობა სოციალური ქსელებით. ლამაზი პერიოდი იყო ჩემს ცხოვრებაში…“- იხსენებს მელია.
რაც შეეხება პირველ სიყვარულს, მას დიდი სიყვარული 15 წლის ასაკში ეწვია და „დაამუნჯა.“
„15 წლისას მეზობლის გოგო მიყვარდა. დანახვისას ხმას ვერ ვიღებდი”,- ჰყვება ერთ-ერთ ინტერვიუში ნიკა მელია.
წყარო – დაიჯესტი
კომენტარები