აფრიკის დასახლებაში მცხოვრები 8 წლის გიგი ჩანგელიას სახლის დემონტაჟი დღეს, 20 დეკემბერსაა დადგეგმილი.
როგორც ჩანგელიას დედა ამბობს, ოჯახს სხვა საცხოვრებელი არ გააჩნია და სახლი, რომელშიც ახლა ცხოვრობენ, ბანკის ვალით აქვთ აშენებული:
“დღეს არის ბოლო დღე. დღეს ნებით უნდა დავშალოთ, თუ არადა ხვალ, ზეგ, არაა პრობლემა მათთვის, ნებისმიერ დროს შეუძლიათ მოვიდნენ და დაანგრიონ ბულდოზერბით.
ჩვენ მართლა არ გვაქვს არანაირი საცხოვრებელი. ისე, 28 წელია, როგორც დევნილს, მპირდებიან ბინას, მაგრამ ჯერჯერობით მართლა არ მაქვს ბინა. რომ მქონდეს, ამ პირობებში არავის უხარია ცხოვრება.
ეს არის სოციალურით, გაჭირვებით, ინვალიდობის პენსიით გაკეთებული სახლი და ასე ვცხოვრობთ, თანაც ვალით. ესეც უნდა დაგვენგრეს და ბანკის ვალიც უნდა გადავიხადო”. – ამბობს 8 წლის გიგი ჩანგელიას დედა.
ორგანიზაციამ პარტნიორობა ადამიანის უფლებებისთვის 8 წლის გიგი ჩანგელიას სახლის ნგრევის შეჩერებასთან დაკავშირებით, სასამართლოს 18 დეკემბერს მიმართა.
გუშინ, 19 დეკემბერს ცნობილი გახდა, რომ თბილისის საქალაქო სასამართლომ სახლის ნგრევის შეჩერების მოთხოვნა არ დააკმაყოფილა.
პარტნიორობა ადამიანის უფლებებისთვის წარმომადგენელი, ბავშვთა უფლებადამცველი ანა აბაშიძე ფორმულასთან საუბარში ყვება, რომ ეს არის 6-წევრიანი ოჯახი, სადაც ცხოვრობენ: შეზღუდული შესაძლებლობების მქონე მშობლები, მათი 3 შვილი, მათ შორის ერთი არასრულწლოვანი და ხანდაზმული ბებია.
ორგანიზაცია გადაწყვეტილების გასაჩივრებას გეგმავს.
15 დეკემბერს მერიამ აფრიკის დასახლებაში სახლების დემონტაჟი დაიწყო, რასაც ადგილობრივების პროტესტი მოჰყვა. პოლიციასთან დაპირისპირების დროს რამდენიმე მოქალაქე დაშავდა, 10-მდე ადამიანი კი დააკავეს.
კახა კალაძემ აფრიკის დასახლებაში მიმდინარე მოვლენებთა დაკავშირებით რამდენჯერმე გააკეთა კომენტარი და თქვა, რომ მისი მერობის პერიოდში სახელმწიფო ქონების მიტაცებას არ დაუშვებს. მისივე მტკიცებით, მათ მიერ დანგრეულ შენობებში ხალხი არ ცხოვრობდა.
აფრიკის დასახლებაში ადგილობრივები აცხადებენ, რომ ისინი სალხს იშენებდნენ და ახალ წლამდე გადასვლას გეგმავდნენ. მათი ნაწილის თქმით, ქუჩაში რჩებიან და წასასვლელი არ აქვთ, აქამდე კი ქირით და ნათესავებთან ცხოვრობდნენ. ოჯახები, რომელსაც უკვე აშენებული აქვთ სახლები, ამბობენ, რომ ეშინიათ, რადგან ფიქრობენ, რომ საცხოვრებელს მათაც დაუნგრევენ.
კომენტარები