დაავადებათა კონტროლის ეროვნული ცენტრის დირექტორმა კორონავირუსზე ტესტების ღირებულებაზე ისაუბრა. ამ თემას ამირან გამყრელიძე საკოორდინაციო საბჭოს სხდომის დასრულების შემდეგ გამართულ ბრიფინგზე შეეხო.
„ანტიგენზე დაფუძნებული სწრაფი ტესტის ყიდვა ქვეყანას უჯდება სადღაც 5-დან 6 დოლარამდე, ხოლო PCR-ის ტესტები სხვადასხვა ეტაპზე განსხვავებული იყო. ვთქვათ, გაზაფხულზე, როცა ძნელი იყო ხელმისაწვდომობა მათი ფასი უფრო მაღალი იყო, დღეს ფასი შედარებით ნაკლებია. საშუალოდ უნდა ვიანგარიშოთ, რომ ტესტის შესყიდვის ფასი სადღაც 12-18 დოლარის ფარგლებში იქნება. მაგრამ იმ PCR-ს სჭირდება კიდევ ექსტრაქცია და კიდევ სხვა. სადღაც 20-24 დოლარის ფარგლებში უნდა მერყეობდეს. მაგრამ მერე იხდება კიდევ ე.წ. მომსახურეობის ფასი“, – განაცხადა გამყრელიძემ.
მისივე თქმით, ქვეყანაში დღეს ჩატარებულია 1,3 მილიონამდე PCR-ტესტი და დაახლოებით 350 ათასი ანტიგენზე დაყარებული სწრაფი ტესტი.
ამ დროისთვის ქვეყანაში კორონავირუსის 178 953 შემთხვევაა დადასტურებული. გამოჯანმრთელებულთა რაოდენობა 148 332 შეადგენს. გარდაიცვალა 1 657 მოქალაქე.
კარანტინის რეჟიმშია 1126 მოქალაქე, სტაციონარში მეთვალყურეობის ქვეშ – 6900 პაციენტი. კოვიდ-სასტუმროში – 3689 ადამიანი იმყოფება.
კომენტარები