ამოიცნეს თუ არა მეზობლებმა მძარცველში ესებუა? – “თვალის ჭრილს, სიმაღლეს და ხმას დავაკვირდით…”

ბადრი ესებუას კვალს ამ დრომდე ვერსად მიაგნეს.

ვრცელდება ასევე ინფორმაცია, რომ ბადრი ესებუას მამა ტარიელ ესებუა ამ დრომდე პოლიციაში ისევ დაკითხვაზე იმყოფებოდა. სამართალდამცველები იმით არიან დაინტერესებულები, საიდან აქვს მამას ინფორმაცია, რომ ის სახლში უნდა დაბრუნდეს. 

მეზობლების ინფორმაციით, ესებუას ჯამრთელობის პრობლემები ჰქონდა და ჯარი ამიტომაც დატოვა.

„ჩვენ მეზობლები ვერაფრით ვერ ვამსგავსებთ. თვალის ჭრილი და სიმაღლე შეუსაბამოა. ხმაც არ ვიცი, ვერ მივამსგავსეთ. უჭკვიანესი, მშვიდი და გაწონასწორებული ბიჭია. მასზე ასეთ რამეს ვერ წარმოვიდგენ. ჯარიდან წამოვიდა იმიტომ, რომ ფილტვები აწუხებს. ამიტომაც ფიზიკური აქტივობა ვეღარ შეძლო. 

არასდროს არ უთქვამს, რომ თავდაცვის სამინისტროზე ნაწყენი იყო. შრომობდა მამასთან და ძმებთან ერთად. აგერ წინა დღეებში მეზობელს სიმინდის მოტეხვაში ეხმარებოდა. რა შეიარაღება, მსგავსი რამ საიდან უნდა ჰქონოდა. ნადირობა კი ნამდვილად უყვარს და სანადირო თოფიც გაფორმებული ექნება. არ ვიცი  კანონმორჩილი ოჯახი და მამა კიდევ უპატიოსნესი კაცია. ისეთი წარმოუდგენელი რამ ხდება ამ ოჯახის თავს,  მტერს არ ვუსურვებ“

რეზონანსი