“სტრესი აქვს” – რას ჰყვება დავით ხვიბლიანის მეუღლე?

„საქართველოს ბანკზე“ თავდასხმისას აყვანილი ერთ-ერთი მძევლის, დავით ხვიბლიანის მეუღლე „რუსთავი 2“-თან ამბობს, რომ მის მეუღლეს, სტრესი აქვს:

“სტრესი აქვს… ჯერ ის ვერ მოუნელებია, რომ მძევალი იყო…”

მისი თქმით, უამრავი ცილისწამება ისმის მისი მეუღლის მიმართ.

„ის, რომ ხელფასს არ იღებს და ბანკში ტყუილად იყო მისული, სისულელეა“- განაცხადა ხვიბლიანის მეუღლემ.

სამაგიეროდ, სტრესი არა აქვს შს მინისტრს, რომელმაც გუშინ განაცხადა, რომ, არანაირი პრობლემა არ არის, რამდენ ხანი დასჭირდება ესებუას დაჭერას, ერთი თვე, ნაკლები, თუ მეტი.

დღეს კი, კითხვას, რამე ახალი ხომ არ არის საქმეში, უპასუხა – “არ ვიცი, თავი გამანებეთ.”

მაინც ვისი პრობლემაა, მძევლების სტრესი, იმ მძევლების, რომლებიც ამ დრომზე დაზარალებულად არ არიან ცნობილნი – შს მინისტრის, თავდაცვის მინისტრის, თუ პრემიერის, ამის გარკვევას “ალია” ცდილობს. რომელმა მინისტრმა მოინელა მისი თანამშრომლების მძევლად აყვანა, მაშინ, როცა მძევლებსაც არ მოუნელებია ჯერ, ამ ეტაპზე, არც ამაზე აქვს რომელიმე სამინისტროს პასუხი.