“ბოჩოლების საქმეს სამი მომჩივანი ყავს – საკონსტიტუციოში შევხვდებით”

თამარ ჩერგოლეიშვილი, სოციალურ ქსელში, წერს:

“ბოჩოლების საქმე!

ხობის სოფლები ტერიტორიულად ძალიან დიდია.

ამასწინ, ისტორია მოვყევი ერთ კაცზე, რომელიც ქვემო ქვალონში, თავდაპირველად არც თუ ფხიზელი, შემხვდა და რამდენიმე სიტყვის ბურტყუნით შემოიფარგლა.

როცა გადავლახე კილომეტრები და უკან ვბრუნდებოდი, უკვე გამოფხიზლებული გზაზე დამხვდა და თავის ბოჩოლებზე მიამბო.

ვყიდდი ირანში და აზერბაიჯანში, ტრაილერებით მიყავდათ დეკეულები და ბევრ ფულს მიხდიდნენო – გაზრდილები არ მიყავთო, პატარები უნდათო.

მაგრამ ქოცები რისი ქოცები არიან, თუ ადამიანს საკუთარი შრომით ლუკმის შოვნა არ აუკრძალეს და სოციალურ დახმარებაზე არ ჩამოკიდეს – რომ არჩევნებზე მოწყვლადები იყვნენ და სოციალურის ჩამორთმევის მუქარით, ხმა მიიღონ.

მოკლედ, ქოცებმა დეკეულების უცხოეთში გაყიდვა აკრძალეს.

ბუნებრივია, ეს აკრძალვა ანტიკონსტიტუციურია და ჩემს ახალ ნაცნობს საკონსტიტუციოში ჩივილი შევთავაზე.

თავისუფლების ინსტიტუტთან, გვანცა კვარაცხელიასთან და სალომე ხვადაგიანთან ერთად ვიყავი ქვალონში – ტელეფონი ჩაიწერეს, გვანცამ მოამზადა საქმე და გასაცნობად და ხელმოსაწერად ქვალონში ჩასვლა გადაწყვიტეს.

რეკეს ჩვენს ნაცნობთან – არ უპასუხა.

ჩავთვალე რომ დაფრთხა და დაიმალა, მაგრამ გოგოებმა მაინც ჩავალთო.

მოკლედ, ჩავიდნენ გვანცა და სალომე ქვემო ქვალონში და კითხვა- კითხვით დაიწყეს ჩვენი ნაცნობის ძებნა. მთელი სოფელი გადაირია – იცნეს თან გვანცა და სალომე, თქვენ ხომ იყავით აქ 10 დღის წინო, იმ ერთი კაცის გამო დაბრუნდითო.

მოკლედ, ჩვენს ნაცნობს სალომე და გვანცა ყანაში დაადგნენ. ბანკი მეგონეთ და მაგიტომ არ გპასუხობდითო.

კაცი მხრებს იჩეჩავდა, რას ვიფიქრებდი, რომ გახსოვდითო – წავიდა, შეყარა მთელი სამეზობლო!

მოკლედ, ბოჩოლების საქმეს ახლა ერთი კი არა, სამი მომჩივანი ყავს.

საკონსტიტუციოში შევხვდებით.

Once u hit the road – ბევრ საინტერესო ამბავს გადააწყდები ჯეკ”