“ორი შვილი დარჩა, თანმხლები დაავადებები არ იყო სიკვდილის მიზეზი” – ახალი დეტალები გარდაცვლილ 32 წლის ქალზე

საქართველოში კორონავირუსით კიდევ ერთი ახალგაზრდა პაციენტი გარდაიცვალა. იგი კლინიკა „ჯერარსში“ მკურნალობდა.

გარდაცვლილი 32 წლის თათია ხურციძეა, მას მეუღლე და ორი მცირეწლოვანი შვილი დარჩა. ახალგაზრდა ქალი სამოქალაქო სექტორში საქმიანობდა, ამასთან ქუთაისში ერთ-ერთ სასტუმროს ფლობდა.

კლინიკაში აცხადებენ, რომ პაციენტს მწვავე პნევმონია და სუნთქვის უკმარისობა ჰქონდა.

„32 წლის ქალბატონი გუშინ გარდაიცვალა. მწვავე პნევმონიით და სუნთქვის უკმასიროსობით. გარდაცვალების მიზეზი გახდა კოვიდ-19. თანმხლები დაავადება რამდენადაც ვიცი, ჰქონდა, თუმცა სიკვდილის მიზეზი გახდა ინფექცია“,- ამბობენ კლინიკაში.