მადლობა ავთანდილ გალდავას, რომელსაც ერთი წამით უარი არ უთქვამს და არ შეუდრეკია თავისი გმირული ნაბიჯი, – ამის შესახებ საქართველოს შინაგან საქმეთა მინისტრმა, ვახტანგ გომელაურმა განაცხადა.
როგორც ვახტანგ გომელაურმა აღნიშნა, გუშინ ყველაფერი გაკეთდა, რათა ერთ ადამიანსაც კი არაფერი დაშავებოდა.
მისი თქმით, გუშინ მძიმე დღე იყო ყველასთვის, მათ შორის შსს-სთვის, მძევლებისთვის.
„შენობის შიგნით დარჩენილი 43 ადამიანისთვის ყველაფერი გააკეთეს შსს-მ, ჩვენმა ხელისუფლებამ. ჩვენი პირველი ამოცანა იყო, რომ არავინ დაშავებულიყო. ეს იყო შეთანხმებული ხელმძღვანელობასთან, პრემიერ-მინისტრთანაც. დავალება იყო, რომ არავინ დაშავებულიყო, ყველაფერი გავაკეთეთ, რომ ერთ ადამიანსაც არაფერი დაშავებოდა. იყო ეტაპობრივი გამოშვევები, ჩვენი თანამშრომელი მივიდა, უთხრა, გამოგყვებით ხუთი, ათი კაცი, რამდენიც გინდა. თავიდან უარს ამბობდა, მერე დაგვთანხმდა ერთ ადამიანზე. მადლობა ავთანდილ გალდავას, რომელმაც თავი გაწირა. არც ჩემთვის იყო ადვილი გადასაწყვეტი თანამშრომლის გაშვება. ის ადამიანი ან დაბრუნდებოდა, ან არა. ერთი წამით უარი არ უთქვამს. თავისი გმირული ნაბიჯისთვის მადლობა მინდა ვუთხრა. წაიყვანა მძევლებიც – სამი ადამიანი, რომლებიც მანქანით რამდენიმე საათი მოძრაობდნენ. ყველაფერი გავაკეთეთ, რომ ის დაგვეკავებინა, მანქანიდან გადავიდა და მიიმალა გამთენიისას. გამოძიების მიმდინარეობაზე ვერაფერს გეტყვით, ერთმა სიტყვამაც შეიძლება, ხელი შეუშალოს გამოძიებას. 43 მძევალი გავათავისუფლეთ. მეორე ეტაპია, რომ ეს ადამიანი დავიჭიროთ და დავსაჯოთ“, – განაცხადა გომელაურმა.
კომენტარები