“8 წელი მოგვპარეს, მოვიგებთ ამ არჩევნებს და 4 წელში ვერ იცნობთ ქვეყანას” – გრიგოლ ვაშაძე

„ნაციონალური მოძრაობის” ლიდერმა გრიგოლ ვაშაძემ საჩხერეში „ნაციონალური მოძრაობა“ მაჟორიტარობის კანდიდატის გიორგი კაპანაძის წარდგენისას განაცხადა:

“ვუთხრათ მთელ საქართველოს, რომ ყელში ამოვიდა საქართველოს მოქალაქეების ემიგრაციაში ყოფნა და იქ მონური შრომა, არაადეკვატური სკოლები და არაადეკვატური ჯანდაცვა, მექრთამე, კორუმპირებული ხელისუფლება, რომლის ჯიბეშიც ილექება თითქმის მთლიანად სახელმწიფო ბიუჯეტი. ჩვენი შვილები მომავლის გარეშე დატოვეს. ჩვენ შვილებს აღარ აქვთ მომავალი, გაქრა სახელმწიფოს მიმართ ის ნდობა, რომელიც 2012 წლამდე იყო. საქართველოს მოქალაქე მიტოვებულია.

სწორედ ამიტომ გვინდა პროდასავლური მთავრობა და ისეთი პარლამენტი, სადაც იქნებიან ადამიანები, რომელსაც ყველაფერს რომ თავი დავაბნებოთ, დოკუმენტის წაკითხვა შეეძლებათ.

8 წელიწადი მოგვპარეს, 8 წელიწადი მოპარეს ჩვენს შვილებს, 8 წელიწადი მოპარეს საქართველოს. საშინელი ტემპით მოგვიწევს მუშაობა, რომ ამის კომპენსირება მოვახდინოთ და ჩვენ ამას აუცილებლად გავაკეთებთ. მოვიგებთ ამ არჩევნებს და 4 წლის განმავლობაში მართლა ვერ იცნობთ საქართველოს. გაკეთდება ის, რაც გაკეთდა 2003 წლიდან 2012 წლამდე და იმაზე მეტი“