დაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადება:
„ყველაზე დიდი ჯგუფი ამ დადასტურებული შემთხვევების სიმპტომიანი პაციენტები გახლავთ. ამ პანდემიის პირობებში მნიშვნელოვანია ნებისმიერ სიმპტომს, რომელსაც ხშირად ვასახელებთ ტემპერატურა, ხველა, სუნთქვის უკმარისობა, შეიძლება იყოს ყნოსვისა და გემოს დაკარგა, ამ სიმპტომების პირველივე გამოჩენის შემთხვევაში აუცილებელია დაუკავშირდეთ ექიმს 112-ით.
გასაგებია ძალიან გადატვირთულია ყველა ცხელი ხაზი. დღეს 2000-დან 3000-მდე ოჯახის ექიმია ქვეყანაში. თითოეულ ადამიანს უნდა ჰყავდეს ოჯახის ექიმი და უნდა იცოდეს ვინ არის მისი ოჯახის ექიმი. ძირითადად ვინც ბინებში არიან სასურველია, რომ ყოველდღიური კონტაქტში იყოს ექიმთან.
მოგეხსენებათ 80-85% კოვიდინფიცირებულებში ვირუსი მიმდინარეობს მსუბუქად ან უსიმპტომოდ, მაგრამ PCR დადასტურებული. ისინი არიან გადამდები, თუმცა ნაკლები გადამდები ვიდრე სიმპტომიანი პაციენტები. ამიტომ ამ ადამიანებს უნდა ჰქონდეთ მჭიდრო კონტაქტი ოჯახის ექიმებთან“
შეგახსენებთ, თენგიზ ცერცვაძის თქმით კი, ყველაზე მეტად გადამდებნი, სწორედ უსიმპტომო პაციენტები არიან.
რაც შეეხება ოჯახის ექიმს, ნოდიკო ტატიშვილიც წერდა და სოციალურ ქსელში უამრავი ადამიანი წერს, რომ მათ არავინ ურეკავთ, ისიც არ იციან, ვის უნდა მიმართონ და რა ნომრებიც იციან, იქაც არავინ პასუხობთ, ასე რომ – ვის უნდა დავურეკოთ, ბატონო ამირან, ვის?
თუ მხოლოდ ცხელ ხაზშია პრობლემა და ცხელი ხაზის გადატვირთვის გამო რჩებიან ადამიანები ექიმებთან დაკავშირების გარეშე, ე.ი. ცხელი ხაზი უნდა დავამატოთ, თორემ, გჭირდებათ, მაგრამ გადატვირთულიაო, რა პასუხია?
კომენტარები