14 ოქტომბერს იაპონიაში საქართველოს საელჩოს საქმეთა დროებით რწმუნებულს, თეიმურაზ ლეჟავას ჰიგაშიკუნინომიას საერთაშორისო კულტურული ჯილდო მიენიჭა დამსახურებული დიპლომატიური საქმიანობისთვის
“ჰიგაშიკუნინომიას ჯილდო, რომელიც ყოფილი საიმპერატორო ოჯახის წევრის სახელობისაა და მისივე დაარსებული საორგანიზაციო ფონდის მიერ გაიცემა, იაპონიის და საქართველოს კულტურული ურთიერთობების გაღრმავებას ისახავს მიზნად. აღნიშნული ჯილდო მიღებული აქვთ იაპონიის ყოფილ პრემიერ მინისტრებს, გამოჩენილ პოლიტიკოსებს და სხვა დამსახურებულ ადამიანებს . თეიმურაზ ლეჟავა პირველი ქართველია, ვინც ეს ჯილდო მიიღო.
– 25 წლიანი ცხოვრების შემდეგ იაპონია ჩემი ოჯახისათვის მეორე სამშობლო და იდენტობის ნაწილი გახდა. გულითად მადლობას ვუხდი ყველა იაპონელს, ვინც ამ ხნის განმავლობაში გვერდში მედგა.მოგახსენებთ, რომ ჩემთვის ჰიგაშიკუნინომიას ჯილდოს მიღება, ჩემი და იაპონიის კავშირების, და საქართველო-იაპონიის კავშირის თვალსაზრისითაც ენით აღუწერელი ბედნიერებაა. ვფიცავ, რომ, როგორც საქართველოს წარმომადგენელი, ძალას არ დავიშურებ ორ ქვეყანას შორის ურთიერთობათა გაღრმავებისათვის. გულითად მადლობას მოვახსენებ ფონდის ხელმძღვანელს, ბატონ აკეგავას რომ ამ ჯილდოს მიღების პატივი მე მერგო” – თეიმურაზ ლეჟავა
კომენტარები