თამარ ბაჩალიაშვილის ოჯახის ერთ-ერთი ადვოკატის, “ადამიანის უფლებათა ცენტრის“ უფლებადამცველის, ეკა ქობესაშვილის ინფორმაციით, რესტორან “ადმირალში“, სადაც თამარ ბაჩალიაშვილს სავარაუდოდ, შეხვედრა უნდა გაემართა, კამერების სადენები განზრახ არის გადაჭრილი.
“მოვედით პროკურატურაში, რათა გავაგრძელოთ საქმის მასალების გაცნობა. რაც უფრო შევდივართ საქმის მასალებში და რაც უფრო ვეცნობით საქმის მასალებს, მით უფრო ვხვდებით, რომ გამოძიება თავის დროზე არ დაინტერესდა გარკვეული გარემოებებით და არ იცის საზოგადოებამ რა ხარვეზებია გამოძიების საქმეში დაშვებული. ასევე ვაყენებთ შუამდგომლობას, რომ მოხდეს ექსპერტიზის ჩატარება ლევან სამსხარაულის ექსპერტიზის ბიუროში, რადგან „ადმირალის“ კამერის სადენები არის განზრახ გადაჭრილი. ეს დაადგინა შსს-ს ექსპერტიზის ბიურომ და აუცილებელია დადგინდეს ხანდაზმულობა, რაც არ არის ამ დრომდე დადგენილი“
კომენტარები