“როგორც “ტოჩნი ზურაბას” ჰქონდა რეიტინგი, ისეთივე რეიტინგი აქვს ივანიშვილს”

“ნაციონალური მოძრაობის” ერთ-ერთი ლიდერი გრიგოლ ვაშაძე ბიძინა ივანიშვილის განცხადებას, რომელმაც თქვა, რომ “ქართული ოცნების” რეიტინგი 54-დან 60%-მდე მერყეობს და ზოგი კვლევების მიხედვით კი 63 პროცენტსაც სცდება:

„ბიძინა ივანიშვილის განცხადების მხოლოდ ორი აბზაცი წავიკითხე, რადგან მისი არც ინტერვიუების წაკითხვის თავი მაქვს და არც განცხადებების. ბოლნისში, მარნეულში, თბილისში, სადაც ჩვენი პარტიის წევრებსა და აქტივისტებს მისი ზონდერები სცემენ, ვის მოუწოდებს ძალადობა არ იყოსო? ვის ეუბნება ძალადობას არ აჰყვეს? ვის აქვს ძალადობა „ქართული ოცნების“ გარდა, რომელიც არის სადამსჯელო ორგანიზაცია? მას პოლიტიკასთან არანაირი კავშირი არ აქვს. რაც შეეხება მის მყარ რეიტინგებს, როგორც „ტოჩნი ზურაბას“ რეიტინგი ჰქონდა 2018 წელს, ისეთივე რეიტინგი აქვს ახლა მას. 31 ოქტომბერს გასცემს ქართველი ხალხი პასუხს ამ ქურდებისა და ბანდიტების ხელისუფლებას, რომელიც ივერი მელაშვილისნაირ ადამიანს საპყრობილეში აგდებს“, – განაცხადა ვაშაძემ.

შეგახსნებთ, გუშინ “ქართული ოცნების” ლიდერმა, ბიძინა ივანიშვილმა განცხადება გაავრცელა, სადაც ნათქვამია, რომ მმართველი პარტია საპარლამენტო არჩევნებში დამაჯერებელ გამარჯვებას მოიპოვებს.

2018 წელს კახელებმა ჩატარებული ეგზიტპოლების გამო, სოციოლოგ ზურაბ ბიგვავას “ტოჩნი ზურაბა“ შეარქვეს, ,ქართული ოცნების” მიერ დაკვეთით ჩატარებული ეგზიტპოლების მიხედვით, სალომე ზურაბიშვილს ხმათა 52% ჰქონდა, ხოლო ცესკო-ს მონაცემებით, რეალურად ზურაბიშვილმა 38% მიიღო.