ჯანდაცვის მსოფლიო ორგანიზაციამ საგანგებო მდგომარეობა გამოაცხადა, რომელიც ითვალისწინებს, იმ ქვეყნების დახმარებას, რომლებიც მზად არ არინ!
პასუხად საქართველოს სახელმწიფომ განაცხადა, რომ ჩვენ მზად ვართ!
დღის მანძილზე უამრავი ექიმი დაგვიკავშირდა:
ტყუილი პირველი: – ჩვენ მზად ვართ!
“ჩვენ თბილისის ინფექციურ საავადმყოფოში გვაქვს სულ 5 ბოქსირებული პალატა. სულ გვაქვს 4 ინფექციური საავამდყოფო და თბილისის საავამდყოფოს ყველაზე მეტი ბოქსირებული პალატა აქვს. დანარჩენებს ზოგს 4 აქვს და ზოგს სამი. როგორც ვიცი, სულ გვაქვს ინფექციური საავადმყოფოებში 16 ბოქსირებული პალატა.
16 პაციენტის მიღება შეგვიძლია სულ!
9 სრულწლოვანი შეიყვანეს ინფექციურ კლინიკაში და ორი არასრულწლოვანი – გვითხრეს ბოქსებში შეგვყავსო – სულ 5 ბოქსირებული პალატაა, თითოში – თითო პაციენტი უნდა მოათავსო, როგორ არ რცხვენია ამირან გამყრელიძეს, ასეთ უტიფარ ტყუილზე? ეჭვი ხომ იყო კორონავირუსის? და 11 პაციენტი წამოიყვანა ინფექციურში და არ დაანაწილა რეგიონებში?
კარანტინი არ გვაქვს – კარანტინის დროსაც პაციენტი უნდა მოათავსო ბოქსირებულ პალატაში – ამიტომ წაიყვანეს ქართველები ჩინეთიდან თურქეთში!
ერთი შემთხვევაც რომ დაფიქსირდეს, მათი ახლობლების მოთავსება კარანტინში და მორჩა – ადგილი არ დარჩება. მოუწევთ ჩვეულებრივ პალატებში დააწვინონ ხალხი და მოიტყუონ, რომ უბრალო ვირუსი აქვთ!”
ტყუილი მეორე: – ჩვენ ვადგენთ კორონავირუსის ინფექციას ლაბორატორიულად
“ჩვენ ვერ ვადგენთ კორონავირუსს ლაბორატორიულად, ორი დღეა იძახის გამყრელიძე, ლაბორატორიულად ვადგენთო, მაგრამ ვერ ვადგენთ. გამორიცხვის მეთოდით გვიწევს დადგენა – არ შეიძლება ამ ვირუსთან ხუმრობა და გამორიცხვის მეთოდზე საუბარი.
ტესტები არ ჩამოუტანიათ, არც შეუკვეთავთ, ამ წუთისთვისაც არ არის შეკვეთილი, ჩვენ ხომ მზად ვართ? ასე არ განაცხადეს? არავინ დაგაყენებს ქვეყანას, რომელიც მზად ხარ, პრიორიტეტად! ჯერ იმას მისცემენ, ვინც მზად არ არის.
ტყუილი სამი – ექიმები აღჭურვილნი არიან და ინსტრუქციაც ჩაუტარდათ
ექიმები აღჭურვილნი არიანო, ექიმებს იმის საშუალებასაც არ აძლევენ, რომ პაციენტი გადაიყვანოს ისე, როგორც საჭიროა. სპეციალური აღჭურვილობა სჭირდება პაციენტსაც. რასაც ხედავთ, სასწრაფო სამედიცინო ექიმების აღჭურვილობაში – ეს არ არის პირველი დონის აღჭურვილობა,ეს იყო მეორე დონის აი, ინფექციური საავადმყოფოს ბოქსებში – კი ბატონო.
სასწრაფო სამედიცინო მანქანას პაციენტის გადაყვანის მერე არ უტარდება დეზინფექცია, ისევე, როგორც ექიმს, რომელიც ფორმას გაიხდის. ისე ფორმის ჩაცმასა და გახდასაც თავისი წესი აქვს, რომელიც არიან ექიმები, რომლებმაც არ იციან, არ დასჭირვებით – არც არავინ უსმენს.”
ექიმები ამ ეტაპზე ისევ თავს იკავებენ ვინაობის დასახელებისგან, მაგრამ ღიად აზიარებენ და აკომენტარებენ “ალიას” მასალებს. დაგვპირდნენ, რომ კიდევ მოგვაწვდიან ინფორმაციას, რადგან საფრთხემ, რომელიც გვემუქრება, ექიმი, პაციენტი, მდიდარი და ღარიბი არ იცის.
კიდევ ერთხელ ვთხოვთ ჯანდაცვის სამინისტროს და პრემიერს – ითხოვონ დახმარება და ჯიუტად ნუ იმეორებენ, რომ მზად ვართ – არ არის სახუმარო მდგომარეობა, არც სიჯიუტის დროა.
ალია
კომენტარები